World136 Logo
Home >> Health Care >>Fruits Benefits in Urdu
Article
Beauty and Fashion
Biography
Bollywood
Celebrity
General Knowledge
Health Care
Horoscope
Islam
Jokes
Milli Naghmay
Poetry
Totkay
Recipes
 

 

Fruits Benefits in Urdu

We know that a cup of fruit juice a day is sure to guarantee a clear complexion.Here are a few fruits and their properties, choose what suits you best! Pineapples are a tropical plants with edible multiple fruits. Pineapple juice is packed with vitamin C. Pineapple juice is rich in potassium which promotes kidney function. Fruts citrus flavor than other fruits are not so sweet but is no less nutrition. All citrus fruits contain fiber, which helps you feel full longer. Dates contains glucose and 70% carbohydrate. They are rich source of protein, dietary fiber and rich in vitamin B1, B2, B3 and B5 along with vitamin A1 and C. Dates have high iron content and are very useful in treating anemia. Dates are rich in vitamins and minerals. All berries are great sources of fiber, a nutrient important for a healthy digestive system. Berries top the charts in antioxidant power, protecting your body against inflammation and free radicals. Mangos are summer fruits, Mangoes are full of Vitamin A, C. They contain tartaric acid, malic acid, and a trace of citric acid that helps regulate the body’s alkali reserves.

Phalon k Fawaid:

Phal qudrat ka woh khazana hai jis mein ghizaiyat ke sath sath shafa bhi hai. Allah tala ne dunya mein anwah o aqsam ke phal paida kiye hain aik hi zameen se ugne wale yeh tamam phal alihda alihda khasoosyat rakhte hain na sirf khasoosyat rakhte hain balkeh rung mithas, zaiqah aur ghizaiyat bhi rakhte hain. Yahi wajah hai keh bhar poor ghizaiyat rakhne wali is ghiza yani phal ko mualij din mein 5 bar istemaal karne ka mashwarah dete hain. Mashhor missal hai keh “Rozana aik saib khane wale shakhs ko doctor ke pas jane ki zaroorat nahi” behtar sehat ke liye rozanah ghiza

phalon ke fawaid in urdu
mein phal ka istemaal lazmi shamil hona chahiye khua woh koi aik mosami phal ho ya phir aik se zaid phal hon lekin had se ziadah aur zaroorat se barh kar phalon ka istemaal kabhi kabhi sehat ke liye noqsan ka bais bhi bn skta hai. Is liye motwazan ghiza mein chawal, gandum, gosht, dalein, sabziyan aur doodh zaroori hai lekin phalon ka istemaal bhi lazmi hona chahiye yun to tamam phalon mein Allah ne ghizaiyat rakhi hai lekin har phal apne andar jahan ghizaiyat aur alag zaiqah rakhta hai wahin par mukhtalif bimaryon ka ilaj bhi rakhta hai jis ke istemaal se na sirf woh biari door hoti hai balkeh is mein afaqah bhi hota hai. Aaj hum aap ko in mukhtalif phalon ki afadyat ke hawale se batayein gay keh jin ke istemaal se sehat par masbat asrat murattab hote hain.

Pine Apple Benefit

Pineapple ka shumar garam ilaqon khas kar martoob ilaqon ke phalon mein hota hai is ki tasir garam hoti hai lekin is ke bawajood is ki mithas aur zaiqah ise doosre phalon se mukhtalif zahir karta hai. Yeh jism ki sujan, hazme ki behtarei aur sans ke attack (jis mein sans ruk ruk kar aaye) jaise amraz mein be had faidah deta hai. mashroobat aur degar mithon mein is ko shamil kar ke dishes ka zaiqah behtareen kia jata hai. Tizabyat aur hazme ki shikayat karne walon ke liye pine apple mozon tareen hai.

Citrus Benefit

Citrus fruits ka zaiqa ba nisbat doosre phalon ke itna mitha nahi hota lekin is ki ghizaiyat aur afadyat kuch km nahi. Is mein kafi mqdar mein vitamin C paya jata hai jo jism mein shamil ho kar maya tkseed ka kaam karta hai. Yeh jism ke murdah aur kharab khulyon ko dobarah fayal banane mein madad farahum karta hai. Apne andar maya tkseed antiocidant ki khasoosyat rakhne wale phalon mein milta, kino grapes fruit waghirah shamil hain. Citrus fruits mein shamil pile pigmentations jild ke liye buhat behtareen sabit hote hain is mein crotien bhi shamil hai jo jildi amraz ko khatam ya kam karne ke kaam aata hai. Is ke elawa citrus fruit ka baqaida istemaal damme aur githya (joron ka dard) ke liye be had mufeed hai. Is mein mojood (PH) ki izafi mqdar ki wajah se sine mein jalan aur tezabyat ki shikayat ho skti hai. Agar kino malte grapefruit ka juice piya jaye to is ke istemaal se jild buhat saaf shafaf hone lgti hai. Jild ke liye vitamin C behtareen hai jo citrus fruits mein shamil hai .

Dates Benefits

Khajoor (dates) garam tasir rakhne wala phal hai. Yahi wajah hai keh yeh phal shaded garmiyon mein pakta hai aur garam elaqon mein paya jata hai. Yeh intehayi zaiqah dar aur mithas rakhne wala phal hai. Is mein qudrati shakkar (glucose) jabkeh 70% carbohydrate mojood hai yeh ghizaiyat se bhar poor phal hai. Is ke khane se jism mein tawanayi aati hai yeh qlab ko mzboot aur qawi karta hai. Dard shaqiqah mein bhi is ka istemaal behtar hai. Jbkeh had se ziadah istemaal karne par diarrhea ho skta hai kiun keh yeh qbz kusha phal hai is liye is ka zidah istemaal noqsan de skta hai. Is ka rozana istemaal pathon ko mzboot aur aasab ko behtar karta hai.

Berries Benefits

Berries khas kar blue berries mein Astringent (khoon ya akhraj e ziadti ko rokne wala) mojood hota hai. Yeh khane se jism mein mojood woh chemichal zarrat jo jism ke khalyat ko suker ne aur khoon ke akhraj ko tez karne ka sabab bante hain inhein rokta hai aur khalyat ke sukarne ke amal ko sust karta hai. Is amal se amooman nizam e hazmah bhi mutasir hota hai jabkeh berries khane se nizam e hazmah bhi durust tariqe se fayal anjam deta hai. Is mein mojood (tannins) jo keh qudarti murakkab hai buhat se phalon mein mojood hota hai jis se micrine, dimagh aur aanton ke khalyat mein sukarao ke amal ko rokata hai. Serotonin aik aisa hormone hai jo jism ke chamichal massages ki haisyat se kam karta hai aur in ka rabta barah rast nerve cell se hota hai. Berries ke istemaal se serotonin buhat behtar faal anjam deta hai jis se sar dard, chahe woh kisi bhi qisam ka ho is mein kami waqa hoti hai.

Berries mein shamil potassium, reshah fiber, vitamine C, E aur fito chemichal shamil hain jo bimaryon ko rokne mein ahum kirdar ada karte hain. Berries ki aik aur qisam ken berries mein yeh afadyat mojood hai keh yeh masane ke shadeed dard mein aaram deta hai aur is se mutalliq infection ko km karne ya khatam hone mein bhi ahum kirdar ada karta hai. Aisi berries jin ka rung gehra hai in mein mana tkseed mojood hota hai jo alzaimer (bhulne ki bimari) ko khatam karta hai.

Mana tkseed waise bhi jism mein mojood fazil kharab chiknayi ko zail karne aur murdah khalyon ko rawan rakhne mein madad gar sabit hota hai. Berries ke khane se yaaddast achi hoti hai aur sar ke dard aur masane ki takaleef ko kafi had tak km karti hai.

Stone Fruits Benefits

Aise phal jis mein beej mojood hon stone fruite kehlate hain jaise keh aalo cha, aalo Bukhara, khoobani waghirah aloo Bukhare mein vitamin C kafi mqdar mein paya jata hai jo quwat e mudafyat barhane mein madad deta hai. is ke khane se nazar tez hoti hai aur sartan jais bimari se lrne ke liye quwate mudafyat ko mzboot karta hai is ke elawah nizam e hazmah ko bhi behtar banata hai lekin had se ziadah stone fruit jaise cherry ka istemaal diarrhea ka bais bn skta hai, kiun keh yeh tamam phal qabz ko khatam karte hain is liye in ka istemaal mtwazzan rakhna chahiye isi tarah khoobani aur aaroo mein keroteen paya jata hai jo jism ke koon mein dakhil ho kar jildi bimariyon ko door kar ke khoon ko saaf karta hai is mein shamil beta carotene aaro ka rung surkh karta hai aur ise khane se jism ko taqat milti hai aur quwat mudafyat barhti hai chun keh har phal apne andar mukhtalif ghizaiyat rakhta hai is liye qudrat ka is khazane se bhar poor faidah uthaan chahiye. Kiun keh aik taraf jahan yeh hamari sehat behtar karta hai wahin par doosri janib bimariyon se ilaj bhi isi se mumkin hai. Yeh mimkin to nahi keh tamam phal aik waqt mein istemaal kiye jayein lekin jis phal ka bhi mosam ho ise zaroor apni ghiza ka hissah baanyein . Pure din mein do ya teen bar is ka istemaal karein ghir meyari, milawat shudha juices ka istemaal karne ke bajaye tazah phalon ke milk shek aur juices istemaal karein. Yeh bhi sehat aur jild ke liye be had faida mand hai. Aik se zaid phalon ko kaat kar fruit salad ki surat mein khana bhi acha hai. Woh log jo shakkar ka istemaal nahi karte in ke liye qudrati mithas rakhne wale yeh tamam phal behtareen, albattah ziabatish ke marizon ko woh phal khane se gurez karna chahiye jis mein golocose aur fructose ziadah mqdar mein paya jata hai. Lekin bimariyon se bachne ke liye phalon ka istemaal lazmi karne chahiye.

Aam (Mango) Benefits

Aam garmiyon ka phal hai aur ise phalon ka badsha kaha jata hai kiun keh yeh zaiqah dar mithas aur apni ghizaiyat ke aitbar se tamam phalon mein sb se behtar samjha jata hai. Aam (mango) mein vitamin C bri mqdar mein paya jata hai. Yeh peit ke dard hazme ke masail aur acidity ko hal karne mein buhat ahum kirdar ada karta hai is ke elawah mard aur khawateen ke hormones ko fayal rakhta hai. Is ke slice ko chehre par pherne se acne aur danon se nijat milti hai jild saaf hoti hai. Yeh garam tasir rakhne wala phal hai is liye hamlah khawateen ise ziadah khane se gurez karein.

Coconut (Nariyal) Benefits

Coconut (nariyal) aik phal bhi hai aur dawa bhi is mein mojood be panah ghizaiyat aur afadyat ise doosre phalon se munfarid karta hai. Bazahir bahir se sakht nazar aane wala yeh phal andar se itna hi lazeez aur mitha hota hai. Coconut (nariyal) jild, nails, balon ki sehat ke liye be had mufeed hai. Yeh ghizayi kami ko poora karta hai, pitte mein pathri, bukhar aur mirgi (ghashi aur larzah tari hona) mein iska istemaal intehayi mufeed hai. Is ka tail jildi amraz aur sar ke balon ki mazbooti aur ghane karne ke liye istemaal kia jata hai. Khanon mein Coconut (nariyal) ke oil ki izafi mqdar sharyanon ke liye noqsan ka bais bn skti hai. Agar shrynein sukar ne lagein to jism ke degar hisson mein khoon ki gardish km ho skti hai. Is liye is ka tail km se kam istemaal karna chahiye coconut ka pani gurde ke marizon ke liye buhat mufeed hai. Is ke istemaal se quwat basarat bhi tez hotihai aur yaaddast achi hoti hai.

Tags: Fruits Benefits in Urdu, berries in urdu, aam ke faide in urdu, mango benefits in urdu, pineapple benefits in urdu, coconut benefits in urdu, dates benefits in urdu, khajoor kay faidy, nariyal ke faide in urdu

Fruit Benefits in Urdu
Vitamin key Noqsanat
Vitamins in Urdu
Diet Food in Urdu
Alergy Food in Urdu
Apple Vinegar Benefits
Benefit of Grapes
Benefits of Pomegranate
Benefits of Vitamin A in Urdu
Benefit of Dates
Lehsan ke Faide
Cholesterol Free Diet in Urdu
Anjeer ke Faide

 

counter for tumblr

@Copy Rights 2011 world136.com All Rights Reserved