World136 Logo  
Home >> Health Care >> Vegetables Benefit in Urdu

Vegetables Benefit in Urdu

Vegetables benefit kids in many ways. Vegetables contain a multitude of vitamins, minerals and other healthy compounds which are help to children's growing bodies. Vegetables help the digestive system function properly. Vegetables may reduce risk for stroke, cancer, heart diseases and type-2 diabetes. You can read in this page about Vegetable benefits (sabziyon ke faide) in urdu.

 

Sabziyon kay Faide

Insan ibteda mein gosht khor raha hoga. Magar is kay sath sath tab bhi vo sabzi khor tha jab keh sabzi insan ki bunyadi ghiza hai. Sadyon ki tehqiqaat kay baad mahereen tib ne bil aakhir yeh faislah dia keh insan ki bunyadi zaroorat sabziyan hain aur sehat mand tar o taza, chak o
sabziyon ke faide
choband rehne ka raaz sabzi khori mein poshidah hai. Sabziyon mein vo sab kuch poshidah hai jo aap adoyaat ki surat mein alag alag istemaal karte hain. Jism ko khoobsoorat, motwazan aur jismani nizam ko ba qaidah banane kay liye sabziyan sab se ahum kirdar ada karti hain. Sabziyon mein vitamin (hayateen) ki khasi moqdar mojood hai jo jismani nasho numa aur tandarusti kay liye bunyadi zaroorat hain. Sabziyon mein vo sab kuch mojood hai jis ki insani jism ko zaroorat hai aur insani jism ki nasho numa kay liye aur sehat ki bahali kay liye zaroori hain. Sabziyon mein in namkiyat ki kami nahi jo danton, haddiyon aur jism kay degar azlaat ko mazboot sehat mand rakhne kay liye muawin bante hain aur jin kay sabab khoon kay sehat bakhsh zarrrat ki nasho numa hoti hai. Yeh namkiyat nizam hazam ko durust rakhte hain aur medah mein tezabi madah paida nahi hone dete jo keh gosht, andon aur masalah jaat kay istemaal se mumkin hai. Sabziyan khane wale amraaz medah aur qabz jaise marz mein mubtila nahi hote. Sabziyan ka baqaidah istemaal karne wale insan par burhape ka hamlah buhat der baad hota hai. Hum khush naseeb hain keh hum aik zaryi mulk kay bashinde hain jahan har qisam ki sabziyan ba aasani aur kam damon mein dasteyaab ho skti hain.

Sabzi Pakana

Sabziyan pakane kay liye bhi hamein chand baton ka kheyal rakhna zaroori hai. Auwal to inhein mitti ki handiyan mein pakaya jaye. Agar mitti ki handiya dasteyaab na ho ya aap is mein sabziyan pakana kisi bhi bais munasib kheyal na karein to jis bartan mein bhi ise pakayein ise saaf suthra, qalyi shudah aur khula hona zaroori hai. Pakane kay waqt mein sabziyon ko hawa mein mat hilayein. Kiun keh aisa karne se oxigen sabziyon mein mil jaye gi aur hayateen khatam ya kam ho jayein gay jo sabziyon ka bunyaidi juz hain.

Sabziyan pakate waqt in mein masalah dalne se ahtarz karein aur namak mirch kam se kam milayein jab keh sabzi ko galane kay liye soda har giz istemaal na karein. Is tarah sabzian nafa dene ki bajaye noqsaan de skti hain aur in mein vitamin c khatam ho skta hai.

Vo sabziyan jo khushk kar kay pakayi jayein inhein 12 ghante pehle pani mein bhigo dena zaroori hai. Aur agar garam pani mein daal kar inhein dho lia jaye to ziadah sood mand sabit ho skti hai.

Vo sabziyan jin kay chilke khaye jane kay qaabil hon chilkon samet pakayi jayein in kay chilke zaya na hone dene chahiye. Yahan tak keh matar kay danay alag kar kay inhein chilkon kay hamrah pakane se ziada faida mand ho jata hai. Vo sabziyan jo kachi khayi ja skti hain vo ziada se ziada kachi hi istemaal ki jayein. Jaise matar, gobhi muli, gajar aur shaljam waghirah.

Yeh bhi kheyal rahe keh sabziyan shorbe wali halat mein na pakayein balkeh sabziyan pakate waqt is pani ka koi bhi hissah giraya na jaye. Jis mein sabziyan pakayi ja rahi hon. Kiun keh aisa karne se in kay ijza ka ziadah hissah khatam ho jaye ga. Sabziyon ko pakane kay baad roti, dabal roti ya sada halat mein jaise bhi aap ka mizaj pasand kare istemaal karein. Magar sabziyan kachi halat mein ziada sood mand hoti hain. In ka ziada se ziada istemaal kachi sabziyan kha kar kia jaye aur vo sabziyan jo paka kar khayi jayein in kay sath sabz patton wala salad zaroor istemaal karein aur aap ko badarjah ziada faida de ga.

Sabziyon ke Naam in urdu

Vitamin A
Vitamin B
Vitamin BII
Palak
Be had ziadah hai
Kafi moqdar mein hai
Kafi mojood hai
Baigan
"
" "
" "
Band Gobhi
"
" "
" "
Soya been
"
" "
" "
Shaljam
"
" "
" "
Sufaid Aaloo
Mojood nahi
" "
Mojood nahi hai
Parslay
Be had ziadah hai
bil kul nahi hai
Bilkul nahi hai
Chukandar
"
Mojood hai
Mojood hai
Pzya
Nahi hai
Nahi hai
" "
Salad
Mojood hai
Mojood hai
Nahi hai
Khira
"
" "
" "
Gajar
Be had ziadah hai
" "
" "
Matar
" "
" "
Ziadah mojood hai
Muli
Mojood nahi
Mojood nahi
Ziadah mojood hai
Surkh Mirch
Be had ziadah hai
" "
" "
Sabz Mirch
" "
" "
" "
Mitha Kaddu
Kafi ziada
" "

Tags: sabziyon ke naam in urdu, sabziyon ke faide, sabziyon ke fawaid, vegetable benefits in urdu, sabzi pakana

Warning: This site provides general information about your health. for more information and treatments please contact your doctor.

Health Care
Khasra-measles-in-urdu
Khawateen ki Sehat
Kajoor se Ilaj
Lehsan ke Faide
Lemon Benefits in Urdu
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved