World136 Logo  
Home >> Health Care >> Skin Cancer in Urdu

Skin Cancer in Urdu

Skin cancer is a disease of the body's skin cells usually as a result of skin cell damage. Australia has one of the highest rates of skin cancer in the world. It most often develops on areas of the skin exposed to the sun’s rays. The three most common types are Melanoma, Basal cell skin cancer, Squamous cell skin cancer. Five types of standard treatment are used Surgery, Radiation therapy, Chemotherapy, photodynamic therapy and Biologic therapy.

Skin Cancer in Hindi

Cancer ki yeh qisam ziadah tar sard mamalik mein payi jati hai. Tibbi maherine ke mutabiq yeh bhi is waqt tak qabil e ilaj hai jb ibtadayi darjah par is ki tashkhees ho jaye tahum is ka ilaj be had pechidah aur waqt talab nahi chunan cha ibtadayi satah par jild par pe dar pe dhabbon ki nishanat dekhein to waqt zaya kiye beghair mualij se ruju kar lein.

Jild ke cancer ki aik ahum aur makhsoos qisam Melanoma hai. Bartanyah aur degar sard mulkon mein har saal 7000 ke qareeb afrad is makhsoos cancer mein mubtila hote hain. Agar ibtada mein jild ki sakhti, nishanat aur dard ki kaifyat aur sehat par majmuyi asrat ko sanjeedgi se na lia jaye aur ibtadayi darjah melanoma ko aam allergy samjh kar nazar andaz kar dia jaye to mariz ki mot bhi waqa ho skti hai. Agar jild par massa, til, waghirah mamooli danah aur nishan ubhar aaye to ise sanjeedgi se mehsoos karein aur jid ke mahir doctor se ibtada hi mehine test kar walein.

Melanoma khoon ke zarrat se gardish karte huye khalyat mein shamil ho jata hai. Apne bachon ke jismani khad o khal check karte rehna buhat zaroori hai aur kisi naye nishan, til, masse ya ghair maamooli, dhabbe ko teste karwane mein takher na karein.

Aise mein Suraj se Bachao Lazmi ho Jata hai

Doctor Karlot probi bartanyah ke cancer research ke adare se wabistah hain aur amraz jild mein tehqiqat kar rahe hain woh kehte hain waise to suraj ke samne yani barah rast dhoop mein baithe rehne, kaam karna aur mosalsal kayi ghanton tak khule aasman tale mukhtalif amoor anjam dene wale afrad is noiyat ke cancer ka shikar hote hain. Agar aap sun burn ka shikar hon to jild ke cancer ki yeh aik ahum wajah ho skti hai.

Doctor un mamalik keh jahan buhat dinon baad suraj nikalta hai (magar aisa mosam sarma mein hota hai) baghor khas hidayat dete hain keh aap suraj ki tapish mein shahrahon par na niklein aur hattul imkan koshish karein keh sunburn se bache rahein.

Jild ke Cancer ki Alamaat

Har tarah ke cancer ki mukhtalif wajoo aur alamaat hoti hain. Jild ke cancer mein makhsoos khulyati position yaksar badal bhi skti hai aik khalyah jise tib ki istalah mein Basal Cell Careinoma kaha jata hai andooni jild ki intehayi operi satah par hota hai yeh ba tadreej cancer ki shakal ikhtiyar karna shuru karta hai. Is tarah jild ki aik teh mein Squamous nami cell cancer ke khalyat ki shakal ikhtiyar krne lagte hain aur khalyon ki paida war maamol par nahi rehti.

Jild ke Cancer ka Phailao

Jild ke cancer se amwat waqa hona isi waqt mumkin hai jb jab phepron(lungs), dimagh aur jigar tak is ka pheilao ho jaye. Melanoma aisa hi aik tez rafter amal hai lekin doosre tamam aqsam ke moqablah mein is ke pheilao ka tariqa kar mukhtalif hai. yeh alamati tor par jild ki rungat se mutalliq hai, maslan agar massa jisamat mein bara ho jaye koi dana aisa ubahre keh jis mein mawad hai aur is se mutasirah hissah soojne lage aur dard barh jaye aur dane ka hajam barhta jaye to foran jild ke cancer ke mahir mualij se ruju kar lena zaroori hai.

Treatment

Har mulk ke moqami hospital mein cancer ke ilaj ke liye sahoolatein mojood hoti hain magar yeh sab jadeed tareen lazar treatment se mutalliq hon zaroori nahi. Aik aam surgery sab se pehle woh mutasirah hissah jism se alihda kia jata hai jo khalyat ke nizam ke bigarne ka sabab cancer raha hota hai.

Doosra tarika Cryosurgery ka hai is makhsoos amal jarrahi mein tumor ko freez kar kar ke khalyat ko khatam kia jata hai. Takeh in mutahrik khalyat ko nakarah bana kar cancer ki beekh kani ki ja ske. Basa auqaat yeh tarika kar buhat kar aamad aur sood mand rehta hai lazar tumor ka khatmah kar deta hai.

Radio Therapy

Radio therapy ka amal goya aik cream ke sath chemotherapy karna hai, is process mein bhi khalyat ko jar se jalane ka amal kia jata hai.

Photodynamic Therapy

Aik cream jo tumor ki jagah par laga kar jism ke mutasirah hissah mein tez barqi ro guzar kar khalyat ko gheir mutahrik aur murda kia jata hai. Melanoma ke marizon ke liye yahi tariqah, ilaj ikhtiyar kia jata hai yeh barqi ro jild ki mukhtalif tahon tak khasoosi paimaish ke baad dakhil ki jati hai takeh cancer ke barhne ke imkanat baqi na rahein.

Causes of Skin Cancer

Science dan kehte hain keh sirf suraj ki tapish sehne hi se jild ka sartan nahi hota agar aap ki jild ki sakht patli hai to gehri dhoop fori tor par asar andaz ho skti hai. suraj ki ultra vilat rays gehri rungat par is qadar saryat raftari ya taqat se asar andaz nahi hotien jabkeh sufaid aur halki rungat foti tor par asar qabool kar leti hai.

Madon mein jild key cancer, kandhon, garden, kamar key hisson par aur khawateen ki tangon aur bazuon ki jild mutasir ho skti hai.

Professor Rona Meki, glasgo uniwarsity mein cancer par tehqeeq kar rahi hain aap key kheyal mein cancer ki wajoohat aap key khane pine aur tarz e hayat key gird mojood hoti hain aur apne mahol mein se aap buhat kuch akhaz kar skte hain . Maslan agar aap key khandan mein se kisi ko jild ka cancer ho ya aap ki family history ho to zaroori test kar walein.

Apne jism ko mukhtalif auqaat mein janchte rehye takeh har naye daagh dhabbe dane ya masse ka baghor jaizah lia ja sake aur naye masse key banne ke amal par bhar poor tawajjah di jani zaroori hai.

Jadeed dard key sciency mahereen kehte hain keh ultra vilate rays se bachne key liye koi dawa ya cream mufeed ya kar gar sabit nahi ho skti .

Tags: skin cancer in urdu, skin cancer in pakistan, skin care tips in urdu, skin care tips in hindi, skin cancer in hindi, skin cancer information in hindi, skin cancer symptoms in hindi, jild ki bimari

Warning: This site provides general information about your health. for more information and treatments please contact your doctor.

Health Care
Lemon Health Benefits in Hindi
Low Calories Diet in Urdu
Malaria in Urdu
Mango Benefis for Skin and Health
Masaj and Malish
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved