World136 Logo  
Home >> Health Care >>Sleeping Tips in Urdu

Sleeping Tips in Urdu

Peaceful sleep is a sign of good health. There are many complaints of sleep. Especially those who are working day and night shifts sleep problems are more serious. People become irritable. Here are a few tips that can save you from sleep problems.
You should fix the time for sleep in the night and wake up in the morning.
Take a bath with light warm water before going to bed.
The atmosphere of the room and the bed is comfortable.
The room is not too hot nor too cold.
Do not sleep during the day.
During sleep problems are not with you.
You can read in this page Pur Sakoon Neend ka Asan Tarika, detail of sleeping problem solution in Urdu. sleeping tips in urdu, Sleeping Problem in Urdu, sleeping tips in hindi, sleeping tips in pregnancy.

Pur Sakoon Neend ka Asan Tarika

Pur sakoon neend achi sehat ki alamat hai. Dunya bhar ki be aarami mehnat-o-mushaqqat ke baad hone wali jismani thakawat ko jis qadar neend bahal kar skti hai koi aur cheez nahi kar skti. Jadeed dor ki mashini aur tez rftar zindagi ne jahan insanon ke liye kayi masail paida kiye wahan neend ka achi tarah na aana be khawabi gunoodgi jaise masail bhi samne aaye hain aik aam andaze ke mutabiq har chata ya satwan aadmi neend ke maslah se do char hai. Khas tor par aise log jo din aur raat ki shifton mein kaam karte hain inhein ziada sangeen masail ka samna hai. Inhein amraz qalb badhzmi, chir chire pn zaroorat se zaid ghussah aur har dam bezari ki kaifyat ka samna rehta hai. Is zaman mein hum chand aise rehnuma asool biyan kar rahe hain jin par amal kar ke neend ke masail se kisi had tak chutkara hasil kia ja skta hai.

Tafkkurat se Aazadi

Be shak zindagi kabhi masail aur tafkurat se mukammal aazad nahi hoti aur insan ko tarah tarah ke masail aur fikar mein pareshan kiye rakhti hai lekin hamma waqt inhein sar par sawar na karein. khas tor par kaam se faraghat ke baad ghar jate huye tamam pareshanyan aur tafkrat bahir hi chor jayein aur jab bistar par sone ka iradah karein to apne aasab ko pur sakoon rakhein. Har baat ko zati ana ka mslah na banayein aur na doosron ki choti moti baton se ranjeedah ho jaya karein. zindagi ko guzarne ke liye iktalaf raye ko bardasht karna sikhein. Agar aap yah sochte hain keh har cheez wahi ho gi jaisa aap chahte hain to yeh mumkin nahi. Aap zindagi ko jitna sehal aur aasan kheyal karein gay yeh itni hi aasan ho jaye gi lekin agar ise bojh aur mushkil kheyal karein gay to aap ka din raat ka sakoon tabah ho jaye ga phir aap raat ko so nahi sakein gay lehaza bistar pr dararz hote wqt zehan ko tafakkurat se aazad chor dein.

Khood ko Munazzam Karein

Apni zindagi ko gheir munazzam aur adam tawazan mein na guzarein balkeh nizam-ul-auqaat ki pabndi karne ki aadat dalein. Kabhi der se sona, kabhi jaldi sona, kabhi khana jaldi kha lena aur kabhi kahye be ghair hi kaam karte rehna jaisi aadaton se gurez karein. Yeh cheezen neend ki dushman sabit hoti hain. Hamesha moqarrar waqt par sone jagne aur kam karne ko tarjeeh dein agar aaram karna chahte hain to pehle ghusal aur nashta wagirah apne moqararah waqt par kar lein phir aaram karein.

Mashrobat ke Muamle meinAhtiyat Karein


Chaye, coffee, cold drink ya is qisam ki degar ashya sone se kam az kam 2 ghante pehle tak istemaal karein. In ashya ka istemaal bhi etedal mein rah kar karein. Coffee ke asrat kayi ghante jism mein baqi rehte hain. In chezon ka kasrat se istemaal ziadah pishab ka sabab bane ga aur sone ke doran neend tootne ka bais bane ga phir mumkin hai aik bar kachi neend se uth jane ke baad aap ko dobara neend ki aaghosh mein jane ke liye kafi der intezaar karna pare.

Neend ki Golyon per Inhesar Khatam Karein

Agar kisi shaks ko neend ki golyan khane se hi neend aati hai to yeh cheez aage chal kar is ke liye naye aur sangeen masail khare kar sakti hai apne mualij ke mashware se is ka istemaal aahistah aahistah kam kar dein aur phir bilkul chor dein. Sone aur jagne ka fitri nizam hi behtar aur achi sehat ka zamin ho ta hai.

Sone ka Kamrah pur Sakoon Banayein

Jis kamre ko sone ke liye muntakhab karein ise har lehaz se pur sakoon ho na chahiye. Yeh na ziadah garam ho aur na thanda ise computer aur doosre aalat se pak rakhein shor sharaba nahi hona chahiye. Daftar ka kam sone ke kamre mein na karein to ziadah behtar hai.

Warzish Karein

Sehal pasandi, susti aur kahili neend ko mutasir karti hai. Khasoosan aise afrad jo daftair mein likhne parhne ka kaam karte hain inhein jismani mushaqqat ki aadat nahi paidal chalne ka tasawwar bhi taqreeban khatam ho ta jaraha hai. Is ka behtar ilaj yeh hai keh aap warzish karein kam az kam 20-25 minute tak paidal chala karein. Is se pasina aaye ga masam khulein gay aur raat ko bistar par let’te hi neend aap par mehar ban ho jaye gi.

Neend ke Be gair Bistar par Na Jayein

Do teen ghante bistar par let kar jagne se prheiz karein. aap ki koshish honi chahiye keh bistar par is waqt jaya jaye jab neend ka waqt ho chukka ho ya neend aati mehsoos ho rahi ho.

Chand Ahum Batein Yaad Rakhein

Raat ko aik moqarrar waqt par so jayein aur subah waqt par bistar chor dein.

Sone se qabal neem garam pani se ghusal kar lein. Is se aap ke aasab ko sakoon mile ga.
Sone se pehle alkohal, kafeen aur niko teen wagirah lene se gurez karein yeh cheezein aap ki neend mutaisr kar skti hain.

Koshish kijye keh aap ke kamre ka mahol aur bistar aaraam dah ho.

Kamrah na ziadah garam ho aur na buhat thanda. Andhera aur khamoshi honi chahiye.

Agar aap ko neend nahi aa’rahi aur aap karwatein badal rahein hain to munasib hai keh koi kitab wagirah ka mutala shuru kardein.

Din ke doran ziada der tak na soyein.

Koshish Karin keh jab aap bistar par jayein to masail aap ke sath nahi hone chahiye. Zehahn ko dabao se aazad aur rakhien

Sari baton ke bawajood agar aap ko neend na aarahi ho to kabhi kabhar neend ki goli lene mein koi harj nahi. Agar aap ne jaldi uthna hai to aadhi raat ko goli lene ke bajaye raat ke shuru mein hi goli kha lein warnah aap din bhar gunoodgi aur thakan ka shikar rahein gay.

Tags: sleeping tips in urdu, Sleeping Problem in Urdu, sleeping tips in hindi, sleeping tips in pregnancy

Warning: This site provides general information about your health. for more information and treatments please contact your doctor.

Health Care
Lemon Health Benefits in Hindi
Low Calories Diet in Urdu
Malaria in Urdu
Mango Benefis for Skin and Health
Masaj and Malish
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved