World136 Logo
  Home >>Nazla Zukam Khansi ka Ilaj, Desi Totkay for Cough
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes

Nazla Zukam Khansi ka Ilaj, Desi Totkay for Cough

Here is some tips of desi totkay for cough, nazla zukam ka ilaj in hindi, nazla kay liay in urdu, gharelu ilaj ke nuskhe, khansi ka desi ilaj, khansi ka ilaj in hindi, home remedies in urdu and hindi.

 

Jab mosam karwat badalta hai bahar kay baad khezan apne rung dekhati hai sardiyan garmiyon se gale mil rahi hoti hain ya garma kay baad sarma ki aamad hoti hai, is waqt ka drmiyani arsa khansi, nzlah zukam, gale mein kharash aur bukhar jaise mosami amraz ko buhat saazgar mahol farahum karta hai. Yeh shikayatein amooman allergy ya phir virus aur jaraseem ki wajah se hoti hain jin mein desi tariqa ilaj ko buhat mufeed paya gia hai. In gharilu totkon ka aik faida yeh bhi hai keh inhein aazmane mein muzir zamni asraat (side effects) ka koi khtara nahi hota.

Adrak

Adrak ko rawaiti chini tarika ilaj mein thand kay sath bukhar, sar dard aur pathon kay dard mein kasrat se istemaal kia jata hai aur ibtedayi dor kay urapi jari butyon kay mahir bhi ise nazlah zukam ka shafi ilaj tsleem karte the. Adrak mein yeh khoobi hai keh yeh jism kay mudafati nizam ko taqtwar banati hai. Iski garam dafa shozish aur tawanayi bahal karne wali khsoosyat ise nzlah zukam ki qimti dawa ka darjah deti hain. Is ka tikha zaiqa dorane khoon ko tez karta hai jism se fasid madon ko kharij karta hai band naak kholta hai aur phepre(lungs) mein jama shuda blgham ko nikalta hai. Adrak aur lemon ko mila kar aik khush zaiqa sharbat bhi taiyar kia ja skta hai is mqsad kay liye adrak kay 115 gm wzni tukre ko dho kar achi tarah kutar lein aur ise 600 ml pani se bhare bartan mein daal dein yeh bartan aluminum ka na ho. Is kay baad aik lemon ko kaddu kash karein aur chilke samet guda bartan mein shamil kar dein albatta lemon kay beej nikal lein. Is mein aik chutki bhar surkh pisi mirch milayein aur pani ko dhimi aanch par 20 minute tk kholne dein. Is doran baqi bache huye lemon ko aik cup mein nachorein jb adarak ka ameza pk kar tiyar ho jaye to ise chulhe se utar lein aur thori der thanda hone dein. Is ke baad ise aik cup mein nikalein. Is mein lemon ka ras shamil karein aur zaiqe kay liye shehad bhi mila dein. Is neem garam khush zaiqa aameze ko din mein kayi bar bilkhasoos raat ko sone se pehle istemaal karne se nzlah zukam mein kafi aaram milta hai.

Gulab Phool

Gulab ki pnkhariyon mein mojood vitamins aur degar ghizaiyat bakhsh ajza fori tor par jism mein jazb ho kar asar dekhate hain. Gulab ka joshanda tiyar karne kay liye taza aur khusk donon qisam ki pattiyan istemaal ki ja skti hain. Kaha jata hai keh aik osat size kay sngtare se 20 guna ziada vitamin C gulab kay aik phool mein hota hai. Gulab ki jaye tiyar karne kay liye gulab kay 2, 3 phoolon ki pnkhariyon ko raat bhar pani mein bhigo kay rakhein. Is kay baad 2 ½ cup pani ko aluminum kay sewa kisi aur bartan mein kholayein. Is mein gulab ki phooli huyi pttiyan daal dein aur tqreeban 30 minute tk halki aanch par josh dein. Is kay baad is aameze ko chan kar aik cup mein nikal lein. Ji chahe to mithas kay liye is mien thora sa shehad shamil kar lein aur din mein khane kay wqfe kay doran is joshande ki chuskiyan lein. Is tarah jism se fasid made kay akhraj mein madad mile gi aur nazlah zukam, sar dard mein afaqa hoga.

Lehsan

Lehsan mein tqtwar jaraseem kash aur virus ko khatam karne wali khoobyan payi jati hain. Nzlah zukam aur khansi ka yeh behtareen qudrati ilaj samjha jata hai aur shehad kay sath is ka istemaal buhat mufeed rehta hai. nzlah, zukam se bachao ya ilaj kay liye chilka samet aik lehsun kay tamam jowon ko hawan dste mein ya sil batte par kuchal lein. Is kay baad ise aik bartan mein daal kar 1 ½ cup pani dalein aur bartan ko dhak kar tqreeban 20 minute tk hlki aanch par garam karein. Is kay baad lemon aadha kaat kar is mein nichorein aur 2 tsp ki mqdar shehad mila dein. 2, 3 minute tk mazeed garam karein. phir aameze ko thanda hone kay baad nithar kar aik saaf gehre rung kay shishe kay jar ya botal mein mehfooz kar lein jis par mzboot dhakakn laga ho. Yeh sharbat 2,3 hafte tk refrigerator mein istemal kay qabil rehta hai. rozana aik bare chamche ki mqdar yeh sharbat din mein teen bar istemaal karein.



29

counter for tumblr
@Copy Rights 2011 world136.com All Rights Reserved