World136 Logo
Home >> Horoscope >>Gemini Man

Gemini Man

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes

Horoscope in Urdu

The majority Gemini is not established consistency. They are always in search of the best of the best. They complete their work in which they involved. It does not care about what other people are thinking. Love and romance are the main evidence of significant intelligence. Honor, reputation and social views are very excited to receive. There is always hope, expect positive results against adverse effects.They don’t do any work where they do not have economic benefits, they are neither fair nor rancorous heart, but clean and the owners are playing with.

 

Gemini (Burj Joza)Man in Urdu:

Joza(Gemini) se mutalliq afrad mein khoobyan bhi buhat hoti hain, yeh hamesha naye naye tajurbaat karte rehte hain, hamesha khoosh umeed rehte hain, manfi asrat key bar aks masbat nataij ki tawaqqa rakhte hain, ziada tar afrad ki sonch haqaiq par mabni hoti hai, yeh log dil key bajaye dimagh se sochte hain, haqiqat pasand hote hain, buhat ziadah jazbati nahi hote balkeh dil o jazbaat se to yeh afrad sochte hi nahi, jab hi faisle karte hain is mein haqiqat ka ansar numayan hota hai, yeh log dili tor par dolat hasil karne key mutmani hote hain woh kisi aise kaam mein hath nahi dalte jis mein mali faidah na ho, na to dil key maile hote hain aur nah hi kinah parwar, balkeh saaf o shaffaf kirdar key hamil o malik hote hain.

Aisse tamam afrad jin ka talluq burj joza(Gemini) se hota hai inki ziada taadad matloon mizaji mein mash’hoor hoti hai. Yeh log hamesha khoob se khoob tar ki talash mein rehte hain, in mein se ziadah tar mizaji therao key malik nahi hote lekin kisi had tak sadah log bhi hote hain fori tor par baat ki the tak nahi puhanchte, balkeh fard mukhatib ki zahiri muhabbat o khaloos se fori asar lete hain aur mutasir ho jate hain. Yahan tak keh in ki sabqah bari bari ghaltiyon kotahiyon aur ziadtiyon ko bhi faramosh kar baithte hain, apni inhi aadat ki wajah se yeh log beshtar aoqaat dhoka khajate hain tahum phir isi ghalti ka ayada karte hain in logon key liye yahi mashwarah hai kisi bhi silsile mein fori faislah na karein, mamle key har pehloo par tanhayi mein baith kar ghor o fikar karein, masle key masbat o manfi pehloyon par nazar rakhte huye is ka jaiza lein charon taraf se mutma’in ho kar koi waza faislah karein aur phir is par dat jayein. To hameshah kaamyaab rahein gay.

Burj joza(Gemini) se mutalliq afrad ki aik khoobi ya achayi yeh bhi hai keh apne mood ki wajah se jis kaam mein mashghool ho jayein ise mokammal tor par payah takmeel tak punhcha kar dam lete hain yeh is baat ki qatyi parwah nahi karte keh log in key bare mein kia aur kis andaz mein sonchte hain aur in ki raye joza(Gemini) afrad key liye kia hoti hai, yeh kisi ki bhi koi parwah nahi karte aur na hi koi baat khatir mein late hain maze ki baat yeh hai keh apne har amal aur amoor mein khood ko hameshah durust samjhte hain.

Chun keh is burj ki alamat do jorwan bache hain is liye yeh afrad dohri zehniyat o kirdar key hamil hote hain, baaz aoqaat in key kirdar ka yahi wasf khood in key liye pareshani ka bais ban jata hai, inhein chahiye keh apni dohri fitrat par qaabo pana sikhein aur apne mood ko bhi samjhne ki koshish karein, agar yeh log apni in aadat se chutkara palein to log inhein sar kash aur hat dharam kehna chor dein gay jo keh haqiqi tor par in ki sar shat ka bunyadi ansar hai.

Chun keh joza(Gemini) afrad shiddat pasand hote hain is liye nafrat ho ya muhabbat ya phir kisi bhi qisam ki dushmani, yeh ise is key mantaqi anjam tak puncha kar dam lete hain, chun keh in logon ka ansar hawa hai jse qaid nahi kia jaskta, bilkul isi tarah in ki fitrat aur mizaj bhi hota hai, kisi bhi qisam ki pabandi inhein qabool nahi hoti, agar zindagi mein kabhi aisi surat hal paida ho jaye to in ki fitrat ka ansar zid aur sar kashi ubhar kar samne aajate hain tahum ahum baat yeh hai aur khatar naak bhi keh in ki dili jazbaat o kheyalat ka andaza in keh chehron se nahi lagaya ja skta. Tahum muhabbat aur romance key silsile mein in ka mizaj aur aadatein kafi had tak burj hamal key afrad se milti julti hain, ishq o muhabbat key mamle mein khasi samjhdari ka saboot dete hain agar yeh sanjidgi ikhtiyar kar lein to kisi bhi qurbani se daregh nahi karte hattul imkan jhoot aur fareb se inhien nafrat hoti hai, chalbazi, sazish ya chalaki ko qatyan pasand nahi karte, yahan tak keh in key mukhlfeen bhi in ki khoobyon se waqif o agah hote hain. Lekin yeh bhi haqiqiat hai keh pal pal badalne wali adat ki wajah se yeh log aksar apna wada bhi faramosh kar baithte hain aur agar inehin yaad dilaya jaye to ghussa se bhar uthte hain.

Joza(Gemini) afard ko samjhna doosre logon key liye amar mahal hai, kiun keh aik hi lamhe mein in key mizaj ki garmi aur sardi key muzahire baik waqt hote hain in key mizaj ka aik rukh agar kisi ko pasand aata hai to doosra rukh is baat ki nafi kar raha hota hai, yeh log jis cheez ki shiddat se talab karte hian aur hasil bhi kar lete hain to phir is ki tarf se bilkul be neyazi aur ghaflat baratne lagte hain aur kisi doosri aur mukhtalif shai ki justajoo mein sar garden ho jate hain.

Burj joza(Gemini) se mutalliq afrad ki aik kamzori yeh bhi hai keh flurt hote hain, mahine mein aik se teen tak larkiyon key sath romance karna in key liye koi ahmiyat nahi rakhta romance pasand zaroor hote hain lekin flurt andaz mein agar che khush taba bhi hote hain yeh log amooman apni umer se chote nazar aate hain, khush mizaj hote hain, latife sunna, sunana aur halke phulke tanz o mazah key shedayi hote hain, jahan baithte hain mehfil ko gul e gulzar bana dete hain jaldi free ho jate hain aur doosron ko bhi jaldi free kar lete hain aur yeh in ka flurt ki janib pehla qadam hota hia, diljami se kaam karte hain aur kifayat shuar hote hain, agar yeh afrad apne ziddi pan matloon mizaji aur simabi fitrat par qaddre qaaboo pa lein to buhat kaamyab aur umda sakhsiyat key malik o hamil sabit hon.

Gemini Man and Aries Woman in Urdu
Gemini Man and Taurus Woman in Urdu
Gemini Man and Gemini Woman in Urdu
Gemini Man and Cancer Women in Urdu
Gemini Man and Leo Woman in Urdu
Gemini Man and Virgo Woman in Urdu
Gemini Man and Libra Woman in Urdu
Gemini Man and Scorpio Woman in Urdu
Gemini Man and Aquarius Woman in Urdu
Gemini Man and Sagittarius Woman in Urdu
Gemini Man and Capricorn Woman in Urdu
Gemini Man and Pisces Woman in Urdu

Nishan Burj Do jorwan bache
Ansar Hawa
Mubarak Din Wednesday
Adad-e-Khas 5 (5 Aur se taqseem hone wale tamam hindse)
Mozu Naginah Aqeeq, Yaqut aur Pukhraj
Mawafiq Rung Banafshi aur tamam Sharbati rung
Mufeed Dhat Copper aur Pital

All About Gemini

Gemini Personality
Gemini Positive
Gemini Negative
Gemini Economic
Gemini Romance
Gemini Friends
Gemini Occupation
Gemini Health
Gemini Man
Gemini Woman


Hamal
Sor
Joza
Sartan
Asad
Sumbla
Mizan
Aqrab
Qos
Jaddi
Dilo
Hot

counter for tumblr

@Copy Rights 2011 world136.com All Rights Reserved