World136 Logo  
Home >> Horoscope >>Libra Man

Libra Man in Urdu

Horoscope in Urdu

Libras are diplomatic, urbane, romantic, charming, easygoing, sociable, Idealistic and peaceable. On the dark side of Libras are indecisive, changeable, gullible, easily influenced, flirtatious and self-indulgent. They like the finer things in life, sharing, conviviality, gentleness and dislike violence, injustice, brutishness, being a slave to fashion. libra man in urdu, libra man personality in urdu, qualities of libra man in urdu, libra man in love in urdu

Libra (Burj Mizan)Man in Urdu:

Mizani (Libra) afrad mein be shumar khoobyan hoti hain, sath hi in logon key naam zinda javed ho jate hain, yeh log aam tor se pur sehar shakhsiyat key malik hote hain, in logon ki khoobon mein se aik khoobi yeh bhi hoti hai keh yeh log aqal ki bunyaad par faisle karte hain, jazbaat ki bunyaad par nahi, yeh jazbaati wabistagi key bajaye haqiqi nataij ko madd e nazar rakhte hain, in key faisle bar bar tabdeel nahi hote, aik bar jo faislah kar lein phir mushkil hi se ise tabdeel karte hain, inhein bar bar apni raye tabdeel karne ka koi shoq nahi hota. In logon ko shiddat aur inteha psandi se nafrat hoti hai, jio aur jine do key asool ko mante hain, khood chun keh motadil mizaj hote hain is liye doosron se bhi aisi hi tawaqqa rakhte hain sath hi mazeedar baat yeh keh yeh log amooman jism mukhalif key kheyal mein magan nazar aate hain, yeh sab kuch apni jaga in key mutalliq pehle se kuch andaza lagana koi aasan kaam nahi, kabhi ye hog aap ko khush nazar aayein gay to kabhi nazarz aur ajeeb baat yeh hai keh kabhi jis baat par yeh aap ko nakhush nazar aayein gay baaz aoqaat isi baat par khushi ka izhar karte nazar aayein gay, behar haal yeh inke mood ki taghaiyur paziri ka aik naqsh hai, aam tor par yeh tamam hi log aap ko khush nazar aayein gay aur yeh bhi pur lutf baat hai keh yeh afrad doston key beghair zindagi guzarne ka tasawwar bhi nahi kar sakte, dosti key mamle mein yeh sab burjon mein aage nazar aate hain aur kushada dili se dosti karte hain, in key doston key taadad buhat ziadah hoti hai.

Mizani (Libra) afrad takalluf bhi buhat karte hain is key bawajood doston aur rishte daron key beghair zindagi guzarne ka tasawwar bhi nahi kar sakte , apne halqah ahbaab key sath in ka rawaiya intehayi narm hota hai, yeh hazrat sangdil logon ko bhi narm dil bana ne ki bhar poor salahiyat rakhte hain, wise bhi funkarana salahiyatein in mein badarjah atam mojood hoti hain agar kuch afrad kahili ki taraf mayal bhi hote hain in ki taadad aisi kuch ziadah nahi hoti phir yeh keh woh hamesha hi susti ka muzahirah nahi karte balkeh aik waqt key apni asli halat mein wapis aajate hain.

Burj Mizan (Libra) se talluq rakhne wale afrad buhat si khoobyon aur salahiyat key malik hote hain khua woh khasoosyat manfi hon ya masbat behar haal in mein mojood hoti hain. Aam tor se in key mizaj mein khush ikhlaqi ke elawa, door andeshi aur zehni adrak ke elawa buhat hi ziadah feham o farasat payi jati hai, itni buhat si khoobyon key sath hi yeh apne faislon par qayam nahi rehate agar yeh apne mazboot faisoln par qayam rahein to in ki har amoor mein kaamyabi key ziadah imkanat hote hain pur kashish shakhsiyat key hamil hote hain sath hi zehanat key aosaaf se bhi apne halqah ahbaab aur doston mein in ki maqboolyat degar burjon key afrad se kahin ziadah hoti hai, in ki dosti ka halqah agar che khasa waseeh hota hai tahum gehri dosti key khood qayal nahi hote takeh dosti key ikhtatam par in ki zaat par koi haraf na aaye.

Lekin yeh bhi haqiqat hai keh Mizan (Libra) afrad muhazzib aur ba salahiyat hote hain, kisi key mamlaat o amoor mein mudakhlat nahi karte, na hi kisi par apni zaat ki bar tari jatane ki koshish karte hain, apne halqay mein in ki guftagoo pur lutf aur mazahiya hoti hai bar jastah jumle o lataif ka istemaal bar mala karte hain aur yun apne atraf ka mahol umdah aur khushgawar rakhte hain.

Yahan yeh wazahat bhi az bas zaroori hai keh takalluf bar qarar rakhne key bawajood log wasi halqah ahbaab aur doston key beghair zinda rehne ka tasawwar bhi nahi karte, talluqaat aur dosti Mizani (Libra) logon key liye itna hi zaroori hota hai jitna zinda rehne key liye sans lena zaroori hota hai, amooman yeh log apne doston aur rishte daron se bhar poor apnayat aur qurbat ka muzahirah karte hain, jab keh haqiqat yeh ha keh jitna yeh log zahir karte hain itni apnaiyat hoti nahi hai, balkeh keh sakte keh dekhawa ziada karte hain in key halqe mein tafreeh taba ahbaab ki taadad ziadah hoti hai jise amooman dosti key zamre mein samjha jata hai, yahan aap ki dilchaspi aur maaloomat key liye yeh bhi batate chalein keh burj Mizan (Libra) ka hakim saiyara zohrah hai jise husn o ishq aur pyar o muhabbat ka simble samjha jata hai, shayad isi wajah se Mizani (Libra)afrad ka zoq jamal qabil tareef aur qabil sataish hota hai, agar che mokammal tor par muhabbat mein mukhlis nahi hote lekin jazbati behar haal hote hain aur sanf e nazuk key mamle mein inhein buhat kam nakami hoti hai.

All About Libra

Libra Personality
Libra Positive
Libra Negative
Libra Economic
Libra Romance
Libra Friends
Libra Occupation
Libra Health
Libra Man
Libra Woman


Nishan Burj Tarazu
Ansar Hawa
Mubarak Din Friday
Adad-e-Khas 6
Mozu Naginah Sang-e-Dudhya, Almaas aur Zamaruud
Mawafiq Rung Sufaid, Narangi, Qarmazi aur Nila
Mufeed Dhat Pital, Copper
 

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
Hamal
Sor
Joza
Sartan
Asad
Sumbla
Mizan
Aqrab
Qos
Jaddi
Dilo
Hot


counter for tumblr

@Copy Rights 2011 world136.com All Rights Reserved