World136 Logo
Home >> Horoscope >>Sagittarius Man

Sagittarius Man

 

 

Horoscope in Urdu

Sagittarius’s are optimistic, freedom-loving, jovial, good-humored, honest, straightforward, intellectual and philosophical. On the dark side of Sagittarius are blindly optimistic, careless, irresponsible and superficial tactless and restless. They like traveling, getting to the heart of the matter, freedom, laws, meanings and the general 'feel' of things while they dislike off the wall theories, being tied down domestically, being constrained, cooling your heels and bothered with details.

 

Sagittarius (Burj Qos) Man in Urdu:

Is burj key dor mein paida hone wale afrad amanat dar, saaf go, deyanat dar, khush mizaj aur maaqoolyat padand hote hain sath hi umdah karkun, diler aur irade key pakke hote hain in key tamam hi faisle atal aur saaf goyi ki bunyad par hote hain, imaandari aur maaqolyat psandi ko in key kirdar ki numayan khsoosyat gardana ja sakta hai sath hi kisi qadar ahsaas bartari ka bhi shkar hote hain in ki khoobi yeh bhi hoti hai keh qabal az waqt kisi bhi baat ka matlab akhaz kar lete hain. Sach bolne ki aadat doosron se kahin ziadah hoti hai is liye in key dost o ahbaab in ki is aadat se tang hote hain aur nalan hone key sath hi inhein na psand bhi kar jate hain tahum in sab key bawajood sach bolne se baz nahi aate aur na hi apne kisi kaam mein doosron ki mudakhlat bardasht karte hain.

Burj Sagittarius (Qos) se talluq rakhne wale khuli kitab ki manind hote hain is liye in logon ko pehchanna itna ziadah mushkil nahi hota, be baak aur saaf go hone key sath hi bazlah bakh hote hain isi sliye har mehfil mein jaan mehfil ban jate hain, lekin maze ki baat yeh bhi hai keh apne azeez o aqarib se amooman door hi rehte hain aisi mazahiyah tabbyat key malik hotehain keh in ki dilnasheen guftagoo sun kar rota hua aadmi hansne par majboor hojata hai yeh afrad apne dil mein kisi qisam ki nafrat, boghz o kinah nahi rakhte, jahan tak aqal mandi aur zehanat ki baat hai woh in key ghar ki londi hoti hai, yeh afrad khood bhi doosron par aitmaad karte hain aur yahi tawaquat doosron se lagate hain keh in par aitmaad kia jaye, in ki buhat si khoobyon mein se aik khoobi yeh bhi hai keh apne mukhatib key ahsasaat aur jazbaat ka poora asbaat mein jumbish bhi dete jate hain ta keh mukhatib yeh samajh aur mehsoos kar le keh is ki baton mein poori dilchaspi li ja rahi hai. Dost hon ya ahbaab rishte dar hon ya in key aqarib yeh log sab par andhe aitmaad key qaail hote hain, khua in ka aitmaad majroh hi kiun na ho jaye. Doosron se bhi tawaqqa rakhte hain keh woh in par aitmaad rakhein.

Burj Sagittarius (Qos) se mutalliq log bebaak hone key sath hi har mamle key donon pehlooyon par sonch o bichar aur ghor o fikar kar key apni munsifanah raye ka izhar karte hain, in key tamam hi fiasle aam tor se qaabil bharosah hote hain.

Sagittarius (Qos) afrad daftari amoor hon ya karobari amoor, kaam key silsile mein bila shubah in key ahkamat buhat sakht hote hain lekin sirf kaam ki had tak, aam zindagi mein Sagittarius (Qos) afrad narm kho aur narm mizaj sabit hote hain, roopye paise aur dolat ko koi ahmiyat nahi dete in ka shumar shah kharchiyon mein hota hai, apni tamam jama shudah dolat aik hi raat mein ghar se bahir le ja kar ura dete hain, buhat hi fazool kharch waqai hote hain. Lekin apne mustaqbil se umdah aur behtareen towaqqat wabistah rakhte hain.

Burj Sagittarius (Qos) key log jitney aala aur unche maqasid par nigah rakhte hain, doosre afrad in maqasid key hasool key liye sochne ki himmat bhi nahi kar pate, chun keh fitri tor par khush umeed hote hain aur halat key roshan pehloo par in ki nazar hoti hai is liye shayad qismat bhi in afrad key sath deti hai, lekin in ki aik khami inhein amooman buhat noqsaan punchati hai aur woh yeh keh yeh afrad shoche samjhe beghair bolte chale jate hain jis ki wajah se baaz aoqaat doosre logon ko dil shakni hoti hai aur yun yeh Sagittarius (Qos) wale log apne doston ko apna mukhalif aur dushman bana lete hain.

burj Sagittarius (Qos) se talluq rakhne wale afrad buaht hi saaf suthre mizaj zehan aur lehje aur zuban key hamil hote hain inhein munafqat bilkul pasand nahi hoti aur nah hi yeh log maslahat se kaam lete hain jo kehna hota hai keh jate hain hum is baat ko yun bhi keh saktehain keh jo in key dil mein hota hai wahi zuban par aajta hai. Yeh log nit naye latife aur mazahiyah guftagoo se na sirf mehzooz hi karte hain balkeh in ki batein sun kar rote huye bhi hans parte hain majmooyi tor par in logon key mutalliq achi raye qaim ki ja sakti hai, degar yeh keh in key dost aur ahbaab in afrad se faida hi uthate hain.


Nishan Burj Teerandaz
Ansar Atish (aag)
Mubarak Din Thursday
Adad-e-Khas 3
Mozu Naginah Firoza aur Pukhraj Waghairah
Mawafiq Rung Surkh aur Pukhraj
Mufeed Dhat Tin, Gold aur Silver

All About Sagittarius

Sagittarius Personality
Sagittarius Positive
Sagittarius Negative
Sagittarius Economic
Sagittarius Romance
Sagittarius Friends
Sagittarius Occupation
Sagittarius Health
Sagittarius Man
Sagittarius Woman


Hamal
Sor
Joza
Sartan
Asad
Sumbla
Mizan
Aqrab
Qos
Jaddi
Dilo
Hot

 


 

counter for tumblr

@Copy Rights 2011 world136.com All Rights Reserved