World136 Logo
Home >> Horoscope >>Sagittarius Woman

Sagittarius Woman

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes

Horoscope in Urdu

Sagittarius’s are optimistic, freedom-loving, jovial, good-humored, honest, straightforward, intellectual and philosophical. On the dark side of Sagittarius are blindly optimistic, careless, irresponsible and superficial tactless and restless. They like traveling, getting to the heart of the matter, freedom, laws, meanings and the general 'feel' of things while they dislike off the wall theories, being tied down domestically, being constrained, cooling your heels and bothered with details.

 

Sagittarius (Burj Qaus) Woman in Urdu:

Burj Qaus (Sagittarius) khawateen aur larkiyan, chalbuli, shokh o chanchal aur mazahiyah tabyat ki hamil o malik hoti hain, yeh na to khood aasani se bor hoti hain aur nahi hi doosron ko bor hone deti hain in ki baton aur guftagoo mein mazah ka rung numayan nazar aata hai jin se in ka mukhatib behtar mehfooz ho ta hai, logon ki bari taada in ki rafaqat ko psand karti hai, in key nazdeek rah kar waqt guzarne ka ahsaas nahi hota, kiun in ka mizaj aur aadat hi aisi hans mukh hoti hai, larkiyan khel kood mein bhi hissah leti hain, in ki fitri jublat mosalsal sar garam amal rehti hai, had to yeh hai keh in mein se buaht se larkiyan nit nayi shararton key mutalliq bhi sochti rehti hain in ko ghar se bahir ki sar garmiyon mein ziadah kashish mehsoos hoti hai.

Ishq o muhabbat aur romance key mamle mein larkiyan aur khawateen buhat ziadah dilchaspi ka muzahirah nahi kar tein dilchaspi hoti zaroor hai lekin baraye naam wajbi si, isi tarh shadi ke silsile mein bhi pas o pesh se kaam leti hain, inhein shadi key mozoo par bari sharam mehsoos hoti hai, agar che doosre logon ka khoob mazaq urati hain, baat kam karti hain hansti ziadah hain uchal kood in ki sar shat mein shamil hota hai latifah goy bhi khoob karti hain lekin jahan baat shadi ki aajaye donon hathon se apna chehra chupa leti hain.

Burj se mutalliq khawateen aur larkiyan kisi bhi mard key liye apni anfaradyat se dastbar dar hone ko taiyar nahi hotein, tahum jo mard shohar ya mehboob key hawale se inhein nazuk andam larki samjhte huye sakht tarz amal ikhtiyar karta hai to aise waqt yeh masbat tarz amal ikhtiyar kar leti hain lekin hamesha aise halat se samjhota nahi kartein, yun in ka talluq khatar naak surat hal ikhtiyar kar leta hai umdah aur shaffaf shakhsiyat ki malik hoti hain in larkiyon aur khawateen key zahir o batin mein farq nahi hota mazahiyah aur hans much fitrat ki wajah se kisi had tak aazad kheyal bhi hoti hain jis mein flurt bhi shamil hai, lekin yeh khood ko mard key musawi samjhne se baaz nahi aatein, mardanah kapre mardanah soot aur shoes bakhushi pehanti hain, larkiyon ki tarah khelon ki aqsam mein dilchaspi leti hain magar yeh baat bhi durust hai keh tamam baton key bawajood nisaiyat ka mokammal aur bhar poor pekar nazar aati hain.

Burj Qaus ki khawateen amoor khanah dari mein khadmah ki zaroorat mehsoos karti hain, agar che khane pakane key fun se bakhoobi aagah hoti hain, in key sarape se waqar chalakta hai, buhat smart, khush guftar aur khush lebas hoti hain, mardon ki tarah akhrajat mein yeh bhi fazool kharch waqai hoti hain, ghariloo kaam kaaj mein degar khawateen ki tarah ziadah dilchaspi nahi leti isi liye khadmah ki zaroorat mehsoos karti hain inehin ser o tafreeh, ser o sehayat aur hotel mein khana khane ka buhat shoq hota hai mazahiyah aur khush khalq waqai hoti hain is liye kam go, bimar ya ghamgeen logon ki mosalsal sohbat khood inhein bimar kar deti hai, yeh khosh gappiyon, mazahi arjeeh deti hain aur isi mein khush rehti hain, chote yah latifon, dilchasp baton ki sath hi ghoomne phirne ko t bachon se in ki muhabbat koi dhaki chupi baat nahi, bachon mein shamil hokar khood bhi bachon jaisi harkaat karti hain bache khush hote hain ot khood bhi musarrat ka izhar karti hain, inka koi bhi rishtah ho bachon ki dost ziadah nazar aati, tahum mazahiyah, chulbuli hans much aur cher char karne wali larkiyan nehayat mazboot kirdar amal ki malik aur hamil hoti hai.


Nishan Burj Teerandaz
Ansar Atish (aag)
Mubarak Din Thursday
Adad-e-Khas 3
Mozu Naginah Firoza aur Pukhraj Waghairah
Mawafiq Rung Surkh aur Pukhraj
Mufeed Dhat Tin, Gold aur Silver

All About Sagittarius

Sagittarius Personality
Sagittarius Positive
Sagittarius Negative
Sagittarius Economic
Sagittarius Romance
Sagittarius Friends
Sagittarius Occupation
Sagittarius Health
Sagittarius Man
Sagittarius Woman


Hamal
Sor
Joza
Sartan
Asad
Sumbla
Mizan
Aqrab
Qos
Jaddi
Dilo
Hot

 


counter for tumblr

@Copy Rights 2011 world136.com All Rights Reserved