World136 Logo
Home >> Horoscope >> Taurus Man

Taurus Man

 

 

Horoscope in Urdu

Taurus: The person who born between April 21 to May 21. Taurus are Patient, reliable, Warmhearted, loving, Persistent, determined, Placid and security loving. On the dark side Jealous, possessive, Resentful, inflexible, Self-indulgent and greedy. Taurus likes: Stability, being attracted, things natural, time to ponder, comfort and pleasure. Taurus dislikes: disruption, Disruption, being pushed too hard, being rushed and being indoors.

 

Taurus (Burj Sor)Man In Urdu:

Burj sor(Taurus) se mutalliq afrad amooman mazboot jisam key malik hote hain mosalsal mehnat aur kaam karne key bawajood jo inhein thakan ka kam hi ahsaas hota hai. In mein se aik tabqah mada parast hota hai jo paise ko buhat ahmiyat deta hai, yahan tak keh aise logon ka halqah ahbaab inhein dolat ka pujari samjhta hai aur yeh baat aisi ghalat bhi nahi hai. Lekin burj sor(Taurus) ki ziadah taadad is meyar ki nahi hoti, yeh log chughal khori se nafrat karte hain, hasad ka mada hota zaroor hai lekin buaht ziadah nahi, umdah raaz dar hote hain aur apne kaam se kaam rakhte hain na to apna raaz kisi ko dete hain aur na hi doosre key razon se pardah uthate hain, is silsile mein inhein be zarar samjha ja sakta hai. Na doosron key kamon mein tang arate hain aur na hi yeh pasand karte hain keh in key amor mein mudakhlat ki jaye.

Burj sor(Taurus) se talluq rakhen wale afrad mein zid ka mada kuch ziada hi hota hai aur yeh keh zid in ki sar shat ka hissa hoti hai. Kabhi kabhar in ka be ja gharoor bhi inhein le doobta hai, halan keh muhabbat key jaraseem bhi in mein doosron se khain ziadah hote hain. Lekinn fazool qisam ki zid aur be ja gharoor inhein hamesha na sirf noqsan puhchata hai balkeh bais e sharmindagi bhi banta hai aur kabhi kabhar to yeh apni taba hi ka khood hi saman taiyar kar lete hain, lekin yeh bhi hairat angez baat hai keh in logon ki aksaryat foran hi samhal jati hai.

Burj Taurus se mutalliq afrad kisi had tak mada parast aur qadre kahilul wajood hone key bawajood sabit qadam hote hain, zindagi ko is key mizaj key mutabiq bhar poor andaz mein guzarte hain, yeh afrad zindagi mein acha khana, qimti malboosat, umdah cheezon ka hasool aur jismani aaram o rahat ko foqyat dete hain, zindagi ko makhsoos andaz mein guzarne ka in ka apna hi falsafah hota hai, shayad yahi wajah hai keh inhein na to jhukaya ja sakta hai aur na hi yeh doosron key dabao mein aate hain is key bar’aks apne hi tai shudah asoolon aur tariqon par apne hi noktah nazar se zindagi basar karte hain.

Muhabbat key muamle mein flurt key bajaye shadi key khahan hote hain lekin zabardasti ko pasand nahi karte, tahum apni mahboobah se is waqt tak kisi na kisi andaz mein talluqaat bar qarar rakhte hain jab tak woh raza mandi ka izhar na kare, agar che yeh log mazboot quwat e iradi key hamil hote hain, is key bawajood apne ird gird key mahol mein shamil ho jate hain, yeh bhi ajeeb sitam zarifi hai keh agar in ki mehbooba raza mand na ho to muhabbat aur hamdardi ki talash mein apni zindagi ko bar bad karne se bhi baaz nahi aate.

Agar che yeh afrad apni zindagi mein bhar poor amal pasand hote hain lekin guftagoo mein ikhtesar se kaam lete hain, in ki biwi ho ya mehboobah, kisi program, kisi taqreeb aur kisi parti mein ise tanha nahi chorte, balkeh mokammal tor par apni rafqat se nawaz te hain aur yun ise intehayi ya akele pan ka ahsas nahi hone dete, ise khush o khurram rakhne ki bhar poor koshish karte hain, hattul imkan is ki dilbastagi key liye koshan rehte hain. Tahum yeh bhi aik anmit haqiqat hai keh khood apne liye bhi aise hi radd e amal ki tawaqqa rakhte hain.

Inhein apni izzat e nafs ka buhat kheyal rehta hai doosre afrad key samne apni be izzati bardasht nahi kar pate, in ki zindagi ka aik ahum aur dilchasp pehloo yeh hai keh shadi key bad ibtadayi dinon mein apne jiwan sathi key liye ache kahse masail paida kar dete hain. Tahum aahistah aahistah khood ko biwi key mizaj key mutabiq khood ko dhal lete hain apni buhat si aadat ko turk kar key biwi key mizaj key mutabiq zindagi ko guzarne ki sayi karte hain. Khase kaamyab bhi rehte hain, hairat angez tor par apne dil o dimagh par tabdili key asrat marattab kar lete hain aur is key baad apni niji aur ghariloo zindagi mein jiwan sathi key mizaj key mutabiq dilchaspi leni shuru kar dete hain kia ghariloo amoor hon ya makan ki tazaiyan o araaish is mein munhamik aur mashghool ho jate hain.
Burj sor se talluq rakhne wale afrad mein zid ka ansar kuch ziada hi numaya hota, yeh log inteha aur shiddat pasand hote hain, muhabbat ho ya nafrat apni fitrat se inteha pasand aur munfarid nazar aate hain in ki yahi khami in key liye buhat ziadah noqsan de sabit hoti hai.

Zindagi key buhat se amoor apni tamam tar khoobyon key bawajood har jaga aur har waqt na to nimtaye ja sakte hain aur na hi bole ja sakte hain, maslan zaroorat se ziada sach aur saaf goyi, jazbaatyat aur zid se khood ko mahfooz rakhein, sach bolne key bajaye (aisa sach jo noqsan dah ho) khamoshi aur dar guzar ka andaz ikhtiyar karein hat dharma aur zid key muamle mein bhi aise hi amal ka muzahirah karein. Apni zuban ko kam istemaal karein jabkeh doosron ki batein aur mashware ghor se sun kar is par towajjah dein. Allah tala ne insane ko zehni salahiyatein ata ki hain takeh woh apne dimagh ko tamiri andaz mein istemaal kar key is kainaat se faidah uthaye aur aisa tab hi mumkin hai keh manfi sonch key bajaye masbat aur tamiri mizaj ko ujagar karein, to phir har satah par kaamyabi aur kamrani key darwaze khulte chale jayein gay.

Taurus Man and Aries Woman in Urdu
Taurus Man and Taurus Woman in Urdu
Taurus Man and Gemini Woman in Urdu
Taurus Man and Cancer Woman in Urdu
Taurus Man and Leo Woman in Urdu
Taurus Man and Virgo Woman in Urdu
Taurus Man and Libra Woman in Urdu
Taurus Man and Scorpio Woman in Urdu
Taurus Man and Sagittarius Woman in Urdu
Taurus Man and Capricorn Woman in Urdu
Taurus Man and Aquarius Woman in Urdu
Taurus Man and Pisces Woman in Urdu

Nishan Burj Bail
Ansar Mitti
Mubarak Din Friday
Adad-e-Khas 6 ( aur aise tamam hinse jin ka mufrid adad 6 ho
Mozu Naginah Mozo naginah Firoza, Aqeeq, Marjan
Mawafiq Rung Pink, Zard aru Tamam Nile rung
Mufeed Dhat Pital aur Tanbah

All About Taurus

Taurus Personality
Taurus Positive
Taurus Negative
Taurus Economic
Taurus Romance
Taurus Friends
Taurus Occupation
Taurus Health
Taurus Man

Taurus Woman


Hamal
Sor
Joza
Sartan
Asad
Sumbla
Mizan
Aqrab
Qos
Jaddi
Dilo
Hot

 


 

counter for tumblr

@Copy Rights 2011 world136.com All Rights Reserved