World136 Logo  
Home>>Islam>> Juma tul Mubarak Urdu

Juma tul Mubarak Urdu

Jummah is considered the best day of the week. Allah has blessed us a complete surah about Jummah in Surah Juma. Prophet Mohammad (S.A) declared on Friday the day of Eid and the chief day of all days. Friday is the holy day of all days. On Friday at zuhr prayer time pray namaz jumah instead of zuhr prayer. Which has 14 rakat, first of all 4 sunnah, then 2 farz with the Imam then 4 sunnah then 2 sunnah then 2 nafal. Jumah prayer is not necessary for woman. She prays her zuhr prayer. Jama'at is essential for praying of jumah. You cannot perform jumah prayer without jama'at.If a person cannot perform the jumah prayer with Imam so perform his zuhr prayer.

You can read in this page Juma ki Namaz ki Fazilat, Namaz Juma Wajib, Juma ke Masail aur Ahkaam, Khutba Juma ke Ahkaam and Juma ki Namaz ki Rakat.

Juma ki Namaz ki Rakat, Fazilat, Ahmiyat

Juma mein 4 sunnatein, 2 farz jamayat ke sath, phir 4 sunnatein, 2 sunnatein, 2 nafal.

Deen islam mein Juma Tul Mubarak ko aik khas azmat, ahmiyat aur fazilat hasil hai. Jumma ka din intehayi azeem us shan, par sayadat, maqsad aur ba barkat din hai. Hazoor nabi kareem S.A ne jumma ke din ko Eid ka din aur tamam dinon ka sardar din qarar dia hai. Jumma tul mubarak vo moqaddas din hai jise tamam ayam par fazilat bakhshi gayi hai.

Quran o hadees ke hawale se jumma tul mubarak aik intehayi moqddas aur mubarak din hai. Is ki azmat, fazilat aur shaan o martabah ka andaza hum sirf is baat se bhi laga skte hain keh quran pak mein is ke naam se aik mustqil surat, surah al juma mojood hai.

Juma tul Mubarak ahle imaan ke liye khasoosi ijtema ka din hai.
Juma momineen ke liye Eid aur tamam dinon ka sardar hai.
Jumma gunahon se muafi hasil karne ka din hai.
Jumma gunah garon ki bakhshish ka din hai.
Jumma nifasat o nizafa hasil karne ka din hai.
Juma roz e qeyamat ki yaad dehani ka din hai.
Juma izzat o azmat hasil karne ka din hai.

Juma ki Namaz ki Fazilat


Namaz jumma ke liye jama masjid mein jaldi jana keh pehli saf aur imam ke qareeb jagah mile, buhat hi ajar o sawab ka kaam hai.

Rasool kareem (SA) ne irshad farmaya: jo shakhsh jumma ke din ghusal kar ke awwal waqt mein aaye aur paidal chal kar aaye aur imam ke qareeb baithe aur ghor se khutbah sune aur is doran koi lugho ka kaam na kare to is ke liye har qadam ke badle mein saal bhar ki ibadat ka ajar o sawab hai.

Maloom hua keh yeh din buhat hi azmat o barkat wala din hai. Lehaza is ki azmat o shan ke mutabiq hamein yeh din Allah tala ki ibadat o bndagi mein basar karne chahiye


Namaz Juma Wajib


Hazrat Tariq bin Shahab se rawayat hai keh Rasool Kareem (S.A) ne irshad farmaya:" har musalman par namaz jumma parhna wajib hai, sawaye char afraad ke: ghulam, auraat, bacha aur mareez."

Hazrat Abdullah bin Umar (R.A) aur Hazrat Abu Hurairah (R.A) biyan karte hain keh Hazoor Nabi Kareem (S.A) mimbar ki sirhyon par irshad farma rahe the: " log jumma chor ne se baaz aajayein wrnah Allah tala in ke dilon par muhar laga de ga aur vo ghafilon mein se ho jayein gay."

Hazoor Nabi Kareem (S.A) ne farmaya: "jis shakhs ne (laga tar) teen jumma beghair uzur sharyi ke tark kiye to Allah tala is ke dil par ghaflat ki muhar laga deta hai.

Juma ke Masail aur Ahkaam


Jumma ke din zuhar ke waqt mein namaz zuhar ke bajaye jumma ki namaz ada ki jati hai jis ki quran majeed mein bari takeed ki gayi hai. Namaz jumma parhna farz qatyi hai. Is ki farziyat kitab Allah, sunnat rasool aur ijmaa ummat se sabit hai aur is ki farziyat ka inkar kufur hai.

Allah tabarak o tala irshad farmata hai:"aye iman walo! jb jumma ke din azaan di jaye to Allah ke zikar (namaz jumma) ki taraf jaldi aao aur ( har qisam ki) khareed o farokht foran chor do, yeh tumhare liye buhat behtar hai, agar tum jante ho." (surat ul jumma-9)


Khutba Juma ke Ahkaam


Juma ke ineqaad ke liye khutba shart hai, khutba ke beghair nahi ho skta. Juma Allah tala ki hamd o sana, hazoor nabi kareem (S.A) par darood o salam aur waaz o nasihat par mushtamil hota hai.

Juma ka khutba khare ho kar dena chahiye, baith kar juma ka khutba dena khelaf sunnat hai, kiun keh Hazoor Kareem (S.A) Khulfay e Rashedeen, Sahaba Karam tabeyeen aur ulmaye ummat se khare ho kar khutbah dena sabit hai.

Khtba juma ke doran kalam karna khana pina, tasbeeh parhna, salam karna, salam ka jawab dena, cheenk ka jawab dena, koi bhi namaz parhna mana hai, balkeh har shakhsh par wajib hai keh vo khamosh rahe aur ghor se khutba sune.
jis waq khteeb jumma ka khutba de raha ho, is waqt koi bhi namaz parhna jaiz nahi hai.

Aik hadees shareef mein hazoor (S.A) ne juma ke din khutba jumma ke waqt logon ki gardanon ko phalangne se mana farmaya hai.

Allah ke habeeb (S.A) ne irshad farmaya: " jo shakhs jumma ke din logon ki gardanon par se phlang kar gia goya is ne jahannam ki taraf pul banaya".

Dini mahafil aur masajid mein nazam o nasaq qaim rakhna zaroori hai. Nazam o nasaq par islam ne buhat ziadah zor dia hai, lehaza jahan jaga mil jaye, wahin baith jaye aur jo log khutba juma sun rahe hon , in ki tawajjah mein khalal na dale, balkeh khood bhi munasib jagah baith kar tawajjah se khutba jumma samayat kare.

Tags: juma tul mubarak urdu, juma tul mubarak ki fazilat in urdu, juma ki ahmiyat, juma ki rakat, juma ki namaz farz ya wajib

Islam  
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved