World136 Logo  
Home>>Islam>> Muharram ul Haram History

Muharram ul Haram History Urdu

Muharram ul Haram is the first month of the Islamic month.This month is called Muharram because war and killing is forbidden in this month. Hazrat Umar Farooq was martyrdom in 1st Muharram ul haram. 10 Muharram is of great significance. Adam's repentance was accepted. The first rain was held from the sky. Hazrat Musa (A.S) was born. Hazrat Ibrahim (A.S) was born.

Muharram ul Haram Urdu

Muharram ul Haram islami san hijri ka pehla mahina hai. Yeh bari fazilat o sharf wala mah mubarak hai. Ibtada se is ki khas ahmiyat hai. Ahadees ke mutabiq Hazrat Nooh ki kashti , toofan ke baad Jodi Pahar par das Muharram ul Haram ko thehri thi.

Hazrat Abu Hurairah ki rawayat hai keh madina mein Hazoor Akram (S.A) yahoodyon ke pas se guzre, inhon ne aashure ka roza rakha hua tha. Aap (S.A) ne roza rakhne ki wajah daryaft farmayi to inhon ne bataya keh Allah Tala ne Hazrat Musa aur Bani Israil ko Firon ke chungul se nijat di thi. Woh aashure ka din tha. Hazrat Nooh aur Hazrat Musa (A.S) ne is din shukrane ke tor par roze rakhe. Is par aap (S.A) ne bhi sahaba karam ko aashure ka roza rakhne ki takeed farmayi aur Hazrat Aisha ke mutabiq Aap (S.A) khood bhi aashure ka roza rakhte the.

Dor e jahilyat mein bhi Quraish ashure ke din ko buhat ahmiyat dete the. Is din Khana Kaba par naya ghilaf charhaya jata aur Q uraish is din roza rakhte. Aap (S.A) ne ashure ke roze ke mutalliq farmaya keh woh is se pehle saal bhar ke gunah mita deta hai.

Islam rehnumaye deen bhi hai aur rehnumaye dunya bhi. Islami tasha’khus ka taqaza hai keh tamam musalman aik rah mustaqeem par gamzan hon. In ka matma nazar aik ho, woh har haal mein apna tashakkhus aur imtiaaz ghair muslimon par barqarar rakhein. Isi liye musalmano ka hijri saal bhi munfarid aur makhsoos hai. Yeh taqwimi saal san hijri se shuru hota hai. Hijrat ka saal musalmano ki zindagiyon aur islami tareekh ka ahum tareen saal hai. Is saal quraish ki ezar sanyon ne apni inteha kar di aur Hazoor Akram (S.A) ke qatal ke darpe ho gaye . Allah tala ne aap (S.A) ko hukum dia keh aap makkah se hijrat farma jayein. App ne deen ki hifazat ka intezaam malik kainaat ne khood kia. Madina Manawwara naye muashre ke taqaze ke mutabiq dhale jane ki salahiyat rakhta tha. Makka mein ikhtiar o iqtedar quraish ke hath mein tha. Is liye islami reyasat ki tashkeel ke liye yeh hijrat ronuma huyi, jahan islami asool o zawabit ke tehat hukumat ko chalaya ja sake.

Islami san hijri ka aaghaz Muharram se hota hai kiun keh hijrat ke irade aur safar ki ibteda Muharram se hi huyi thi. Hazrat Umer (R.A) ke zehan mein yeh baat aayi keh islami saal hijri isaiyon aur yahudyon ki taqweem se mukhtalif ho. is silsile mein jab in ke samne aik khat aaya, jis mein sirf Shaban likha hua tha. Hazrat Umer (R.A) ne kaha yeh kaise taiyun hoga keh Shaban is saal ka hai ya pichle saal ka? Chunancha is silsile mein inhon ne majlish shura munaqad farmayi aur tqweem islami ki zaroorat aur ahmiyat ke pesh nazar in se mashwarah talab farmaya. Hazrat Ali (R.A) ne tajweez pesh ki keh islami saal ka aaghaz hijrat madina ke tareekhi moqa se kia jaye. Is tajweez ko sab ne pasand kia. Hazrat Umer (R.A) ka bhi yahi kheyal tha keh hijrat haq o batil mein farq karne ka bais bani hai aur islam ki sar bulandi ka bhi , is liye islami taqweem mein is mah se ziadah kisi ki ahmiyat nahi ho skti . Muharram ki ahmiyat nawasah rasool hazrat hussain aur khalifah dom Hazrat Umer (R.A) ki shahadat ki wajah se aur bhi barh gayi hai. Islami taqweem ki ibteda hi shahadat se huyi. Deen mutaiyan ki sar bulandi ke liye jaan ka nazrana pesh karna Allah ki bar gah mein intehayi ahmiyat rakhta hai isi liye Allah ne irshad farmaya jo rah e haq mein qeel kar diye jayein inhein murdah mat guman kar woh zindah hain. Shahadat dar asal heyat abdi ka naam hai aur islami tqweem ki ibteda bhi shahdat se hoti hai.

Tags: 10 muharram ki fazilat, 10 muharram ki fazeelat, 10 muharram ki ibadat, 10 muharram ki ahmiyat, 10 muharram ki dua, 10 muharram ki history, youm e ashura ki fazeelat, youm e ashura in urdu, yom e ashura

Islam  

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved