World136 Logo  
Home>>Islam>>Taraweeh Namaz, Taraweeh ki Namaz ka Tarika, Niyat, Dua

Tarawih Namaz

Hadrat Abu Hurairah reported that the Messenger of Allah has said,
“ Whoever prays during the night in Ramadhan sincerely; seeking his reward from Allah, his former sins are forgiven.” [Sahih al-Muslim, Vol. 1, Page 259, Hadith 1815]
Tarawih Namaz is Sunnat-e-Maukida. The time of Tarawih is after praying the Farz of Isha until the beginning of the break of dawn in the month of Ramadan. Tarawih prayers are prayed in pairs of two and can be prayed in at least 20 raka‘āt. A break is taken after every 4 rak'ah. In the whole month of Ramadan to finish the Quran once is Sunnat-e-Maukidah.

You can find in this page taraweeh ki dua, taraweeh ki namaz ka tarika, taraweeh ki haqeeqat, taraweeh ki niyat kaise kare, taraweeh ki dua hindi, namaz taraweeh in urdu, namaz taraweeh history in urdu

Taraweeh ki Namaz ka Tarika

Ramzan mein Roza aur Taraweeh ka Biyan


namaz e taraweeh

Hazrat Abu Huraira (R.A) se rawayat hai keh Rasool (S.A) ne irshad farmaya keh
Allah tala ne ramzan ke roze farz kiye aur mein ne tumhare liye Namaz e Taraweeh tjweez ki pas jo log ramzan mein roze rakhein gay aur Taraweeh parhein gay iman aur ahtasab (ajar e aakhrat ki niyat) ke sath to woh apne gunahon se is tarah paak hon gay jaise is din jab keh woh paida huye the gunahon se paak the."

Taraweeh ki Fazilat


Hazrat abu hurairah (R.A) se rawayat hai keh Rasool (S.A) ne irshad farmay keh "jis shakhs ne iman ki halat mein sawab ki niyat se ramzan ka qeyam kia (yani raat ko taraweeh parhin) is ke pichle gunah muaf kar diye jate hain." (Bkhmri o Muslim)

Ramzan ka talluq Quran se aisa hai jaise jism se rooh ka hai, yani ramzan ki rooh Quran hai, ramzan ka mahinah Quran ko parhne ka hai, is mahine mein khasoosyat se quran ki talawat ki jati hai, raaton mein taraweeh ki surat mein Quran ko adab ke sath parha aur suna jata hai, yeh mahina is mqsad ke liye khas hai keh is mein Allah tala ki sb se bari neyamat ka sb se ziadah tzkirah kia jaye, nazool Quran ke mahine mein Quran ko parhte aur sunte aadmi ko woh lamha yaad ajata hai jb keh Aasman aur Zameen ke drmiyan noorani rabtah qaim hua aur is ko yaad kar ke bandah pukar uthta hai keh Aye Mola! Tu mere sine ko bhi apni tajlliyat se roshan kar de, qeyam ramzan yani taraweeh ka bunyadi mqsad bhi yahi hai. namaz taraweeh ki pabndi se kam az kam itna zaroor hasil hota hai keh bandah pura Quran aik bar sun leta hai, Allah tala ke hazoor khare ho kar Allah ka kalam sunne ka buhat bara ruhani faidah hai, is mahinah mein Quran kareem ka khatam karna is wajah se msnoon hai keh Quran kareem ka nazool isis mahina mein hua hai.

Ramzan ki raaton mein namaz taraweeh is liye mqrar huyi keh tbyi khawahishon ki kamaal mukhalfat sabit ho kiun keh tbiyat roza ki susti o mehnat aur mushaq'qat ko door karne ke liye istarahat o aaram chahti hai, lehaza is mein aisi ibadat ka tqrrur hua keh jis se aadat o ibadat mein waza farq numayan ho, Mah Ramzan nazool barkat o anwar ke liye makhsoos hai, lehaza is mahinah ki raton mein bhi aik khas ibadat ka tqarrur hua kiun keh aksar barkat o anwar ilahi ka nazool raat hi ko hota hai.

Namaz taraweeh sunnat mokada hai aur taraweeh mein aik martaba Quran paak parhna ya sunna bhi sunnat mokadda hai, yeh dono amal elaihda elaihda do sunnatein hain, is liye jo log suraton ke sath namaz taraweeh ada karte hain aur pura Quran majeed taraweeh mein parhte ya sunte nahi, woh taraweeh ki sunnat to ada karte hain, lekin taraweeh mein pura Quran majeed parhne ya sunne ki sunnat in ke zummah baqi rehti hai, isi tarah jo log chund raaton mein Quran paak pura sun kar taraweeh chor dete hain in ke zummah taraweeh ki sunnat baqi rehti hai, yahan se maaloom hua keh Quran majeed ke khatam ho jane ke baad aksar log taraweeh ke ada karne mein jo susti karne lgte hain yeh bhi in ki ghalti hai, khatam Quran majeed ke baad bhi ramzan ul mubarak ki tamam raaton mein Eid ul Fitar ke chaand dekhne tk taraweeh ka parhna sunnat hai, aik Hadees Mubarka mein to yahan tk Allah ke mehboob (S.A) ne ummat ko khush khabri di keh jo shakhs iman ke sath aur sawab ke aiteqaad se ramzan ka rozah rakhe aur ramzan ki shab bedari kare yani taraweeh parhe to woh apne gunahon se is din ki tarah nikal jaye ga jis din is ko is ki maan ne jana tha.

In tamam fazilaton ka ilm hone ke baad to har musalman ko zoq o shoq se taraweeh ko pur ahtamam se ada karna chahiye takeh Ramzan ul Mubarak ki barkaton se sar faraz ho sake, is ki maghfart ho aur Allah tala ki rehmaton se nawaza jaye.

Namaz e Taraweeh ka Tarika

Mah ramzan mein mardon aur aurton ke liye 20 rikat taraweeh baad namaz Isha ada karna sunnat mokada hai.

Hadees: Irshan farmaya Nabi Kareem (S.A) ne keh jis ne Ramzan ki raaton mein Qeyaam kia is ke pichle gunah muaf kar diye gaye.

Mardon ko namaz taraweeh ba jamayat ada karna sunnat Ali ul kafayah hai agar tamam ahl e muhallah alag alg tarweeh parh lein gay aur jamayat bilkul na hogi to sb gunahgar hon gay aur agar ba jamayat ada ho rahi hai aur kisi ne tnha parh li to yeh shakhs guanh gar to na hoga magar fazilat jamayat se mehroom hoga.

Namaz taraweeh 20 rikat das salamon ke sath ada karein aur har char rikat ke baad thori der aaram kar lena mustahab hai.

Ramzan shareef ke pure mahine mein aik martabah Quran shareef taraweeh mein khatam karna sunnat hai.

Na Baaligh ke piche namaz taraweeh parhna durrust nahi hai.

Baaz jagah taraweeh namaz parhna durust nahi hai.

Baaz jagah taraweeh mein Quran shareef 15-20 din mein ya is ke baad mahinah khatam hone se pehle khatam ho jata hai to buhat se log is ke baad namaz taraweeh chor dete hain yeh ghalat hai.

Traweeh ki Niyat

Niyat karta hon mein do rikat namaz sunnat taraweeh ki waste Allah Tala ke rukh mera Kaaba ki taraf piche is imam ke Allahu Akbar


taraweeh ki dua

Islam  

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved