World136 Logo  
Home>>Islam>>Fasting in Islam

Fasting in Islam

Fasting in Islam is to refrain from eating, drinking or having sexual intercourse for the sake of Allah from the break of dawn to sunset. The rule for Fasting is similar to Namaz and is Farz-e-Ain. Those who reject to believe it as obligatory (Farz) is a Kafir and those who miss it without genuine reason is a big sinner and will receive punishment in hell. Strong boys and girls should be forced to keep a fast. Read more detail in following in Urdu.

Rozay ka Haq

Rozah aik aisi ibaadat hai jis ka badal koi dusri ibaadat nahi ho sakti hai. isi liye roze har ummat par farz huye hain.

Allah tala ka irshad hai
Iman walo! Tum par roze farz kiye gaye jis tarah tum se pehle logon par farz kiye gaye the takeh mutaqi aur par heiz gar ban jao (sura baqrah)

Nabi Kareem (SAW) ne irshad farmaya:
jis shakhs ne rozah rakh kar kabhi jhut bolna aur jhut par amal karna nah chora to khuda ko is se koi dilchaspi nahi keh woh bhuka aur paisa rehta hai.(Bukhari)

Nabi kareem (SAW) ne yeh bhi irshad farmaya:

jis shakhs ne iman ki kaifyat aur ahtasab (sawab ki niyat se) key sath ramzan ka roza rakha to khuda is key in gunahon ko muaaf farmade ga jo pehle ho chuke hain.(Bukhari)

Ramzan-ul-Mubarak key roze pure ahtamam aur zooq-o-shaoq se rakhain. Kisi shadeed bimaari aur kisi uzar key beghair kabhi roaza nah choray. Nabi kareem (SAW) ka irshad hai.

jis shakhs ne kisi bimaari ya sharyi uzar key beghair ramzan ka aik bhi roazah chora to umer bhar key roze rakhne se bhi is aik roze ki talafi na hosakay gi.

Rozay mein reyakari aur dekhaway say bachnay kay liye maamul kay mutabiq hashash bashash aur chaq-o-choband apnay kamon mein lagay rehye aur apnay andaz-o-atwar say rozay ki kamzori aur susti ka izhar nah kijye.

Nabi Kareem (SAW) nay isrshad farmaya:
“Rozah dhal hai( dunya mein gunahon aur aakhrat mein dozakh say hifazat karta hai) aur jub tum mein say koi rozay say ho to apni zuban say koi is say gali gloch karnay lagay ya larayi karnay par taiyar ho to is rozay dar ko keh dena chahiye keh mein to rozay dar hon”.

aap (SAW) nay yeh bhi irshad farmaya keh qiamat kay roz rozah sifarish karay ga aur kahe ga, parwar digar mein nay is shakhs ko din mein khanay pinay aur dusri lazzaton say rokay rakha, khuda ya ! tu is shakhs kay haq mein meri sifarish qabul farma aur khuda is ki sifarish qabul farmaye ga."

Iftar kay waqt rozay dar jo dua mangay, qabul ki jati hai, rud nahi ki jati. Is liye iftar kay waqt dua kijye. Rozay ki takaleef ko hansi khushi bardasht kijye. Bhuk-o-pias ki shiddat ya kamzori ki shikayat kar kay rozay ki na qadri nah kijye. Safar kay doran ya marz mein ziadti ki wajah say rozay na rakh saktay hon to chor dijye aur dusray dinon mein is ki qaza kijye Allah pak irshad fermatay hain:

“ jo koi bimaaryon ya safar mein ho, to woh dusray dinon mein rozon ki taadad puri kar lay”.

Rozay mein ghibat aur bad nigahi say bachnay ki koshish kijye.

Nabi kareem (SAW) nay farmaya:
Rozay dar subah say sham tak khuda ki ibadat mein hai, jab tak woh kisi ki ghibat nah karay aur jab woh kisi ki ghibat kar baith-ta to is kay rozay mein shagaf par jata hai.”

Islam  

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved