World136 Logo  
Home>>Islam>>Shab e Barat ki Fazilat

Shab e Barat ki Fazilat

You can find here shab e barat ki fazilat in hindi, urdu, shab e barat ki fazilat o ahmiyat, shab e barat ki fazilat in quran, shabe barat ki ahmiyat, shab e barat ki ibadat ka tarika, shab e barat ki raat ki ibadat

Shab e Barat ki Fazeelat, Ibadat

Shaban nekiyon aur bhalaiyon ka mahina hai. Ummul momineen Hazrat Ayesha Siddiqa (R.A) se rawayat hai keh Rasool Kareem (S.A) shaban ul muazzam mein kasrat se rozay rakhte the.

Shaban ko muazzam o mukarram is liye kaha gia hai, kiun keh is maah mubarak ki chodh’ween aur pandharween tareekhon mein fazilat o barkat wali woh raat aati hai jise "lailat ul barat" kaha gia hai. Barat ke maine kisi ko kisi zummadari se aazad kardene ke hain is ko awam un naas shab barat kehte hain jis ke be shumar ausaaf biyan huye hain.

Quran hakeem furqaan majeed mein irshad bari taala hai: "qasam hai is roshan kitab ki be shak hum ne ise barkat wali raat mein utara, is shab mein har hikmat wala kaam hamare hukum se baant dia jata hai. Be shak! hum bhejne walay hain."Is aayat mein barkat wali raat se murad shaban ki pandharween shab hai. Pas is aayat mubarkah se is maah aur khas kar pandharween raat ki fazilat waza ho gayi.

Hazoor nabi kareem (S.A) irshad farmate hain:"Jab nisf shaban ki pandharween raat ho to shab bedari karo aur din mein rozah rakho, kiun keh Allah tala is raat mein sooraj ghoob hote hi aasman dunya par nazool ajlaal farma ta hai aur farmata hai: koi hai maghfarat chahne wala keh mein is ko bakhsh don? Koi hai rozi mangne wala keh mein ise rozi don aur hai koi mosibat zadah keh mein ise sehat o aafyat marhamat karoon:"

Shab e barat mein bandah saal guzashtah ke hisab kitab se bari ho jata hai aur aaindah saal ke liye be murdon ko murad, rizq se mehroom logon ko rizq, be rozgaron ko rozgar, be aulaadon ko aulaad, pareshan halon ko itminaan, be qararon ko sakoon aur tang daston ko khush hali ki dolat se sarfaraz farmaya jata hai.

Aap (S.A) ne irshad farmaya:" nisf shaban ki raat Allah tala banoo kalb ki bakriyon ke baalon se zayad logon ko bakhsh deta hai."

Isi liye is raat ko lailatul rahmah yani rehmat wali raat bhi kaha jata hai. Hazrat abbas se rawayat hai keh jibrail Ameen bargah resalat (S.A) mein hazir huye aur arz kia:" ya Rasool Allah ! Yeh woh raat hai jis mein aasman ke darwaze khool diye jate hain. Aap namaz parhne aur dua kay liye apne hath uthaiye."

Hazoor (S.A) ne daryaaft farmaya:"yeh raat kaisi hai?"

Jibrail (A.S) ne arz kia :" Yeh woh raat hai jis mein rehmat ke teen so darwazay khul jate hain, Allah tala is raat mein har is shakhs ki maghfarat farmata hai jo maghfarat mangay, sawaye in das afrad ke:

Mushrik, kahin, jadoogar, kinah parwar, waldain ka na farman, sood khor, chughal khor, sharabi, zaani aur zakhirah andoozi karne wala."

Yahi woh rehmaton bhari raat hai jis mein rhmaton ke hasool ki khatir hazoor (S.A) tamam shab ibadaton mein guzar dete the.

Hazoor (S.A) ka irshad paak hai:" Shaban ki fazilat doosray mahinon par aisi hi hai jaise meri fazilat tamam anbiaye karam par."

Hazrat Shekh Abdul Qadir Jilani (R.A) farmate hain:" Allah tala ki rehmaton se jo shakhs maalamaal hona chahe to is ko chahe keh woh shaban ul muazzam mein tazkiyah nafs, islah batini aur taharat roh ka khas tor par ahtamam karay, yani apne ko tabah o astaghfar kar ke gunahon se paak o saaf karay aur apne batin yani dil ko kadoorat, kinah, boghz o hasad se khali kar kay darbar khudawandi mein aajzi o inkesari se dua karay. "

Shab barat mein Allah tala apne bandon par ghair maamooli aur khas rehmat o anayat farmata hai aur is shab mangi jane wali duayon ko sharf qaboolyat bakhshta hai. Ummat musalmah par Allah Rabbul izzat ke yeh ahsanat azeem hamare Pyare Nabi Sarwar Aalam (S.A) ke sadqay mein hain keh aap (S.A) khatum ul anbiya hain aur ummat muslima ab qeyamat tak na koi nabi aur rasool maabos hoga aur na koi ummat o wajood mein aaye gi. Jis tarah rab kareem ne apne mehboob (S.A) par apni nematon ki tkmeel farmadi hai, isis tarah aap (S.A) ki ummat par bhi in tamam nematon ki takmel farmadi jin nematon se sabqah ummaton ko nawaza gia tha. Kam se kam waqt mein ziadah se ziadah ajar o sawab hasil karne ke liye ummat mohammadi (S.A) k aise din aur aisi aisi ratein di gayi hain keh jin mein ibadat ka sawab aur donon ke moqablay mein be had o hisab ata farmaya gia hai, takeh ummat muhammadyah mukhtasar waqt mein etna ajar o sawab hasil kar le jetna saabqah ummaton ko taweel arse tak ibadat mein bhi hasil na ho saka.

Hazoor Nabi Kareem (S.A) ka irshad mubarak hai:" jo shakhsh 100 rikat 2, 2 rikat ki niyat kar kay parhe aur har rikat mein surah fateha ke baad das martabah surah ikhlas parhe to is ke tamam gunah muaaf kar diye jayein gay, is ki tamam hajat poori hon gi, jannat is ke liye halal aur dozakh is ke liye haram hogi."

Ahle iman par lazim hai keh woh is mubarak shab mein Allah tala ki ibadat, tsbeeh tqadees, zikar aur telawat e quran majeed mein msroof rahein aur aglay din ka rozh rakhein. Jo shakhs pandhrah shaban ul muazzam ko roza rakhe ga, dozakh ki aag ise na chuye gi.

Hadees mein aaya hai:" jo shakhs is raat mein so nawafil ada karta hai, Allah tala is shakhs ke liye so farishton ko maamoor kar deta hai. 30 ise jannat ki basharat dein, 30 azab o ghazab se amaan dein, 30 dunya ki balaon aafaton se door rakhein, aur 10 shaitan ke makrooh o fareb aur dhoke se bachayein. "

Shab e barat tajjeliyaat o anwar ki raat hai, Allah tala is shab mein tamam ummat muslimah ko aamal salah ki tofeeq ata farmaye aur is shab ki barkaat o anwar se mustafeed farmaye, aameen.

Tags: shaban ka wazifa, shaban ki nawafil, mahe shaban ki fazeelat, mahe-shaban ki fazilat in urdu, mahe-shaban ki ibadat, mahe-shaban, 15 shaban ki fazeelat

Islam
Shaban ki Fazilat in Urdu
Shab e Barat ki Fazilat
Shab e Barat ki Namaz ka Tarika
Shab e Barat Ki Ibadat aur Fazeelat

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved