World136 Logo  
Home>>Islam>>Shab e Barat ki Ibadat, Fazilat, Shab e Barat ki Namaz ka Tarika

Importance of Shab e Barat

The Arabic name "Laylat al Barat" means Barat Night it is also known as (Laylat al Bara'at meaning the 'Night of Innocence, Berat Kandili in Turkish, Shab e Baraat in Pakistan, India and Bangladesh, Lejletul Berat in Bosnian). Sha'aban is the eighth month of the Islamic calendar. According to the Hadith Shareef the 15th night of Shabaan is a very blessed night. Muslims prayer on the 15th night of the month of Sha'aban all over the world. It commemorates the entry of Muhammad into the city of Mecca. It is believed that if one prays throughout the night for forgiveness, their sins are forgiven. Sayyiduna Rasoolullah (Salla Allahu ta’ala alayhi wa Sallam) said: “Almighty Allah forgives all Muslims on this night, besides the fortune tellers, One who creates disunity among two Muslims, those who disrespect their parents, the magicians and the alcoholics,”.

Sayyidna Mu’adh ibn Jabal, Radi-Allahu anhu, reports that Prophet Muhammad, Sall-Allahu alayhi wa sallam, has said: “Allah Almighty looks upon all those created by Him in the middle Night of Sha’ban and forgives all those created by Him, except the one who associates partners with Him or the one who has malice in his heart (against a Muslim)”.

You can find here shab e barat ki ibadat, shab e barat ki fazilat, fazeelat, shab e barat ki fazilat in urdu, shab e barat ki fazilat in hindi, shab e barat ki haqeeqat, shab e barat ki nafli ibadat, shab e barat ki namaz ka tarika, shab e barat ki namaz parhne ka tarika, what is shab e barat, what is shab e barat mean, importance of shab e barat, 15 shaban night, what is shab e barat in hindi, what is importance of shab e barat, urdu, shab e barat in islam, importance of shab e barat in english, shab e barat history, shab e barat in quran and hadith

Shab e Barat ki Ibadat aur Fazilat

Imam tarmizi "Alsanan" mein rawayut karte hain keh Hazrat Ayesha Siddiqa (R.A) farmati hain aik raat mein ne Hazoor Nabi Akram ko (bistar mubarak par) mojood na paya to mein aap (S.A) ki talash mein nikli.
shab e barat ki fazeelat
Kya dekhti hon keh aap (S.A) (madina munawara ke qabrustan) jannatul baqi mein mojood hain. Aap (S.A) mujhe dekh kar farmaya:"kya tum is baat ka khof rakhti ho keh Allah aur is ke rasool (S.A) tumhare silsile mein kisi qisam ki koi na insaafi karein gay." Mein ne arz kia: Ya Rasool Allah ! Mein ne socha shaya aap kisi doosri zojah ke han tshreef le gaye hain. Aap (S.A) ne farmaya:"shaban ki pndharween (15 shaban) shab Allah tabarak o tala aasman dunya ki taraf aik khas shan ke sath nazil hota hai, aur (Arab mein sb se ziadah bkriyan rakhne wale ) qabeelah kalb ki bakriyon ke baalon se bhi ziadah taadad mein logon ko bakhshta hai. Imam Ibn Majah "Alsanan" mein Hazrat Ali Ibne Abi Talib (R.A) se rawayat karte hain keh Huzoor Nabi Akram (S.A) ne farmaya:" jab shaban ki pandharween (15 shaban) shab aaye, to is raat qeyaam kya karo aur din mein rozah rakah karo. Is raat ghorob aftab ke waqt se hi Allah talala aasman e dunya par (apni shan qudrat ke sath) nazool e ijlaal farmata hai aur elaan farmata hai keh koi mujh se gunahon ki muafi mangne wala ho mein use muaaf kar don, hai koi mujh se rizq talab karne wala keh mein is ke rizq mein wasyat paida kar don, hai koi masaib o aalam mein mubtila shakhsh keh mujh se mange so mein use aafyat ata kar don, hai koi aisa shakhs , koi aisa shakhs hai, koi aisa shakhs hai(sari raat Allah tala yeh elaan frmata rehta hai aur apni ata o skha ke daman ko pehlaye rakhta hai) hatta keh fajr tulu ho jati hai.

Aaj ki raat jab rehmat ilahi ka samundar tughyani peh ho to hamein bhi khaloos dil se toba astaghfar karna chahiye kiun keh is waqt rehmat ilahi pukar pukar kar keh rahi hoti hai keh koi hai bakhshish mangne wala keh use bakhsh don, koi hai rizq ka talab gar keh mein is ka daman murad bhardon . Imam ibn majah "Alsanan" mein hadees biyan karte hain keh Hazoor Nabi Akram (S.A) se behtareen dua keh bare mein poocha gia to aap (S.A) ne farmaya: Aye Allah! Be shak tu muaaf farmane wala hai aur muaaf karne ko psand karta hai. Ps aye bakhshne wale! hamein bhi bakhsh de."

Is Raat kis ki Bakhshish Nahi Hogi

Hazrat Ayesha Siddiqa (R.A) se rawayat hai. Hazoor Akram (S.A) ne irshad farmaya:" Mere paas Jibrail (A.S) aaye aur kaha: Yeh shaban ki pandharween (15 shaban) raat hai, is raat mein Allah Tala jahannum se itne logon ko aazad farmata hai jitne nabi kalb ki bakriyon ke baal hain, mgar kafir aur adawat wale aur rishtah katne wale aur (takhnon se niche) kapra latkane wale aur waldain ki nafarmani karne wale, aur sharab ke aadi, in logon ki taraf Allah Tala nazar rehmat nahi farmata."

Imam Muhammad Ghazali (R.A) farmate hain: "sharab ka aadi , zana ka aadi , maan bap ka nafrmaan , rishte daron se qata talluq karne wala , nashe baaz aur chughal khor ki is raat bakhshish nahi."

Aik rewayat mein nashe baaz ki jagah tasweerein banane wala bhi aaya hai. Isi tarah kahin, jadoo gar, do musalmano ke drmiyan phoot dlwane wale aur kisi musalman se kinah rakhne wale par bhi is raat maghfarat se mehroomi ki waeed hai. Chunancha tamam musalmanon ko chahiye keh agar woh khuda na khastah woh mutazakkarh gunahon mein se kisi gunah mein malawwas hon to shab baraat ke aane se pehle hi dil se sachi tobah kar lein aur tamam muamlaat saaf kar lein.

Shab e Barat ki Namaz ka Tarika

1-Maamoolaat auliaye karam mein se hai keh maghrib ke farz o sunnat waghirah ke baad 6 rikat nafal do do rikat kar ke ada kiye jayein.
pehli do rikat se pehle yeh niyat karein:" Ya Allah ! in ki barkat se darazi umer bilkheir ata farma." is ke baad do rikat mein yeh niyat karein:" Ya Allah in ki barkat se tamam blaon aur aafaat se meri hifazat farma."
Is ke baad wali do rikaton ke liye yeh niyat karein:" Ya Aallah! In ki barkat se apne sewa kisi ka mohtaaj na kar!
Har do rikat ke baad 21 bar surah ikhlas(puri surat) ya aik bar surah yaseen parhein, balkeh ho sake to donon hi parh lein. Yeh bhi ho skta hai keh koi aik fard yaseen shareef buland aawaz se parhe aur doosre khamoshi se sunein.
Is mein yeh kheyal rakhein keh doosra is doran zuban se yaseen shareef balkeh kuch bhi na parhe . Insa Allah raat shuru hote hi sawab ka anbaar lag jaye ga. Har bar yaseen shareef ke baad duaye nisf shaban bhi parhein.

2-Hhadees mein aaya hai:" jo shakhs is raat mein 100 nawafil ada karta hai, Allah tala is shakhs ke liye so farishton ko mamoor kar deta hai. 30 ise jannat ki basharat dein, 30 azaab o ghazab se imaan dein, 30 dunya ki balaon aafaton se door rakhein, aur 10 shaitan ke mkr o fareb aur dhoke se bachayein."

chodhween aur pandharween (14 aur 15 shaban) tarikhon mein fazilat o barkat wali woh raat aati hai jise lailatul barat kah gia hai. Barat ke maine kisi ko kisi zumme dari se aazad kar dene ke hain. Is ko awam unnas shab barat kehte hain jis ke be shumar ausaaf biyan huye hain.

1- Quran e hakeem furqan e majeed mein irshad bari tala hai:" Qsam hai is roshan kiaab ki! Be shak! Hum ne ise barkat wali raat se murad shaban ki pandharween shab hai. Ps is aayat mubarkah se is mah aur khas kar pandharween raat ki fazilat waza ho gayi.

2-Hazoor kareem (S.A) irshad farmate hai:" jb nisf shaban ki padahrween raat ho to shab bedari karo aur din mein rozah rakho, kiun keh Allah tala is raat mein suraj ghoroob hote hi aasman dunay par nazoool ijlaal farmata hai aur farmata hai: koi hai maghfarat chahne wala keh mein is ko baksh don? koi hai rozi mangne wala keh mein use rozi don aur hai koi mosibat zada keh mein use sehat o aafyat marhamat karon."

3-Shab barat mein bandah saal guzashtah ke hisab kitab se bari ho jata hai aur aaindah saal ke liye be muradon ko murad, rizq se mehroom logon ko rizq, be rozgaron ko rozgar, be aulaadon ko aulaad, pareshan halon ko itminaan, be qararon ko sakoon aur tng dston ko khsuh hali ki dolat se sar faraz farmaya jata hai.

4- Aap (S.A) ne irshad farmaya:"Nisf shaban ki raat Allah tala banu kalb ki bakriyon ke balon se zaid logon ko bakhsh deta hai. Isi liye is raat ko lailatul rehmah yani rehmat wali raat bhi kaha jata hai.

5- Hazrat Abbas se rawayat hai keh Jibrail ameen bar gah risalat (S.A) mein hazir huye aur arz kia: Ya Rasool Allah! Yeh woh raat hai jis mein aasman ke drwaze khol diye jate hain. Aap (S.A) namaz parhye aur dua ke liye apne hath utheiye."
Hazoor (S.A) ne dryaft farmaya:" Yeh raat kaisi hai?"
Jibrail (A.S) ne arz kia:" Yeh woh raat hai jis mein rehmat ke 300 drwaze khul jate hain, Allah tala is raat mein har is shakhs ki maghfarat farmata hai jo maghfarat mangay, sewaye in ds afrad ke:"mushrik, kaahin, jadoo gar, kinah parwar, waldain ka nafarman, sood khor, sharabi, zaani aur zakhirah andozi karne wala".

6- Hazrat Shekh Abdul Qadir Jilani (R.A) farmate hain:"Allah tala ki rehmaton se jo shakhs mala maal hona chahe to is ko chahiye keh woh Shaban ul Muazzam mein tazkiya nafs, islah batini aur taharat rooh ka khas tor par ahtamam kare, yani apne ko tobah o astaghfar kar ke gunahon se paak o saaf kare aur apne batin yani dil ko kadoorat , kinah, bghz o hasd se khali kar de drbar khudawandi mein aajzi o inkesari se dua kare.

Shab barat tajjliyat o anwar ki raat hai, Allah Tala is shab mein tamam ummat muslimah ko amal salah ki tofeeq ata farmaye aur is shab ki barkat o anwar se mustafeed farmaye.

Shab e Qadr Nawafil
Shaban ki Fazilat in Urdu
Shab e Barat ki Fazilat
Shab e Barat ki Namaz ka Tarika
Shab e Barat Ki Ibadat aur Fazeelat

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved