World136 Logo  
Home>>Islam>>Shab e Barat Prayers Urdu

Shab e Barat Prayers Urdu

Hazrat Muhammad (S.A) said that “ those person who pray 100 rakah prayer , pray 2, 2 rakah intention (niyat) and each rakah recite 10 times surah ikhlaas after surah fateha his/ her all sin will be apologies, all need will be fulfill, heaven is permissible(Halal) for them and hell is jurisprudence (haram) for them.
Muslim should be pray for Allah Tala, tasbeeh tqdees, zikar and recite the Quran whole the night and fast the next day. Who keep fast on 15 shaban ul muazzam fire of hell will not touch them. May Allah bless for all Muslim and Allah gives good instructions to do all the Muslim.(Ameen)

Shab e Barat ki Namaz ka Tarika Hindi - Urdu

shaban ki dua

Shaban ki Dua

Shaban nekiyon aur bhalaiyon ka mahina hai. Ummul momineen Hazrat Ayesha Siddiqa R.A se rawayat hai keh Rasool Kareem (S.A) shabaan ul muazzam mein ksrat se rozay rakhte the.

Shaban ko muazzam o mokarram is liye kaha gia hai, kiun keh is mah mubarak ki 14win aur 15 win tareekhon mein fazilat o barkat wali woh raat aati hai jise "Lailatul Barat" kaha gia hai. Barat ke maine kisi ko kisi zumme dari se aazad kar dene ke hain. Is ko awam un naas Shab e Barat kehte hain jis ke be shumar ausaaf biyaan huye hain.

Quran Hakeem furqan majeed mein irshad bari tala hai "Qasam hai is Roshan Kitabb ki be shak! Hum ne ise barkat wali raat mein utara, is shab mein har hikmat wala kaam hamare hukum se bant dia jata hai. Be shak! Hum bhejne wale hain."

Is aayat mein barkat wali raat se murad shaban ki 15 win shab hai. Pas is aayat mubarkah se is mah aur khas kar 15 win raat ki fazilat waza ho gayi.

Hazoor Nabi Kareem (S.A) irshad farmate hain: " Jab nisf shaban ki 15 win raat ho to shab bedari karo aur din mein rozah rakho, kiun keh Allah Tala is raat mein Suraj Ghurub hote hai Aasman Dunya par ijlaal farmata hai aur farmata hai : koi hai maghfarat chahne wala keh mein is ko bakhsh don? Koi hai rozi mangne wala keh mein use rozi don, aur hai mosibat zadah keh mein use sehat o aafyat marhamat karon."

Shab e barat mein banda saal guzashtah ke hisab kitab se bari ho jata hai aur aaindah saal ke liye be muradon ko murad, rizq se mehroom logon ko rizq , be rozgaron ko rozgar, be aulaadon ko aulaad , pareshan haalon ko itminaan, be qararon ko sakoon aur tng daston ko khush hali ki dolat se sarfaraz farmaya jata hai.

Aap (S.A) ne irshad farmaya: " Nisf Shaban ki raat Allah Tala bnu kalab ki bkriyon ke baalon se zaid logon ko bakhsh deta hai."

Isi liye is Raat ko "Lailatul Rahmah" yani rehmat wali raat bhi kaha jata hai. Hazrat Abbas se rawayat hai keh Jibrail Ameen bargah Resalat (S.A) mein hazir huye aur arz kia:" Ya Rasool Allah! Yeh woh raat hai jis mein aasman ke darwaze khol diye jate hain. Aap namaz parhye aur dua ke liye apne hath uthaiye."

Hazoor (S.A) ne daryaft farmaya:" Yeh raat kaisi hai?"

Jibrail (A.S) ne arz kia: " Yeh woh raat hai jis mein rehmat ke teen so darwaze khul jate hain, Allah Talal is raat mein har is shakhs ki maghfarat farmata hai jo maghfarat mange, sewaye das afrad ke: “Mushrik, kahin, jadoo gar, kinah parwar, waldain ka na farmaan, sood khor, chughal khor, sharabi, zani aur zakhirah andozi karne wala."

Yahi woh rehmaton bhari raat hai jis mein rehmaton ke hasool ki khatir Hozoor (S.A) tamam shab ibadaton mein guzaar dete the.

Hazoor (S.A) ka irshad paak hai: " shaban ki fazilat doosre mahinon par aisi hi hai jaise meri fazilat tammam anbiyaye karam par."

Hazrat Shekh Abdul Qadir Jilani (R.A) farmate hain :" Allah Tala ki rehmaton se jo shakhs mala maal hona chahe to is ko chahiye keh woh shaban ul muazzam mein tazkiyah nafs, islah batini aur taharat ruh ka khas tor par ahtamam kare, yani apne ko tobah o astaghfar kar ke gunahon se paak o saaf kare aur apne batin yani dil ko kadoorat , kinah boghz o hasad se khali kar ke darbar khudawandi mein aajzi o inkesari se dua kare."

Shab barat mein Allah Tala apne bandon par ghair maamoli aur khas rehmat o enayaat farmata hai aur is shab mangi jane wali duayon ko sharf qaboolyat bakhshta hai. Ummat muslimah par Aalah Rab ul Izzat ke yeh ahsanaat azeem hamare pyare nahi sarwar alam (S.A) ko sharf qaboolyat bakhsta hai. Ummat muslimah par Allah rab ul izzat ke yeh ahsanat azeem hamare pyare nabi sarwar alam (S.A) ke sadqay mein hain keh aap S.A) khatam ul ambia hain aur ummat muslimah , khatam ul amam, ab qeyamat tak na koi nabi aur rasool maaboos hoga aur na koi ummat wajood mein aaye gi. Jis tarah rab kareem ne apne mehboob (S.A) par apni nematon ki tkmeel farmadi hai, isi tarah aap (S.A) ki ummat par bhi in tamam nematon ki tkmeel farmadi jin nematon se sabqah ummaton ko nawaza gia tha. Kam se kam waqt mein ziadah se ziadah ajr o sawab hasil karne ke liye ummat muhammadi (S.A) ko aise din aur aisi aisi ratein aur aisi sayatein de di gayi hain keh jin mein ibadat ka sawab aur donon ke moqable mein be had o hisab ata farmaya gia hai, takeh ummat muhammad yeh mukhtasar waqt mein itna ajr o sawab hasil kar le jetna sabqah ummaton ko taweel arse tak ibadat mein bhi hasil na ho saka.

Hazoor Nabi Kareem (S.A) ka irshad mubarak hai: " jo shakhs ba niyat 15 win shab ko ghusal kare to pani ke har qatre ke ewaz Allah Talal is jar o sawab ata farmaye ga, baad ghusal tahiyatul wudu parhe. Har rikat mein surah fatiha ke baad ayatul kursi aik bar aur surah ikhlaas teen martabah parhe, is ke baad 8 rikat namaz nafal, do do rikat ki niyat kar ke is tarah parhe keh har rikat mein surah fatiha ke baad surah qadar aik bar, surah ikhlas 25 martabah parhe to Allah tabarak tala is ko gunahon se paak karde ga."

Mazeed irshad hota hai: "jo shakhs so rikat do do rikat ki niyat kar ke parhe aur har rikat mein surah fateha ke baad 10 martabah Surah Ikhlas parhe to is ke tamam gunah muaf kar diye jayein gay, is ki tamam hajaat puri hon gi, jannat is ke liye halal aur dozakh is ke liye haram hogi."

Ahl e imaan par lazim hai keh woh is mubarak shab mein Allah tala ki ibadat, tasbeeh, tqdees, zikar aur tlawat quran majeed mein msroof rahein aur agle din ka rozah rahein. Jo shakhs 15 shaban ul muazzam ko rozah rakhe ga, dozakh ki aag use na chuye gi.

Hadees mein aaya hai:" jo shakhs is raat mein so nawafil ada karta hai, Allah tala is shakhs ke liye so farishton ko mamoor kar deta hai. 30 ise jannat ki basharat dein, 30 azaab o ghazab se imaan dein, 30 dunya ki balaon aafaton se door rakhein, aur 10 shaitan ke mkr o fareb aur dhoke se bachayein."

Shab barat tajalliaat o anwaar ki raat hai, Allah tala is shab mein tamam ummat muslimah ko aamal salah ki to feeq ata farmaye aur is shab ki barkaat o anwaar se mustafeed farmaye, Aameen.

Islam  

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
 
counter for tumblr

@Copy Rights 2011 world136.com All Rights Reserved