World136 Logo  
Home>>Urdu Poetry>>Arshad Malik

Arshad Malik Poetry, Shairy in Urdu, Ghazal, Nazam

Arshad Malik Poetry - Arshad Malik Shairi - Funny Urdu Poetry - Romantic Urdu poetry- Urdu sad poetry- Urdu Sms Poetry Urdu Poem - Arshad Malik Ghazals - Ghazal -Nazam- Urdu Shairy - Poetry In Urdu - Pakistani Urdu poetry


Bhupri mojein, door Sahil, ik sahara chahiye
Aandhiyan aane ko hein mujh ko kinara chahiye

Mana keh kam sin ho tum par sath to dete mera
Doobne wale ko tinke ka sahara chahiye

Lar na payon ga keh dunya bhar ke gham hain samne
Sath mujh tanha ko ab har dam tumhara chahiye

Kis ko hogi jaan ki parwah phir aye jaan e jaan
Ik zara bas teri tazron ka sahara chahiye

Jis qadar bhi is mein hon toghyanyan Arshad Malik magar
Hum ko is darya mein bas chahat ka dhara chahiye

****************************


Musafir to bicharte hain, Rafaqat kab badalti hai
Muhabbat zinda rehti hai Muhabbat kab badalti hai

Tumhi ko chahte hain, hum tumhi se pyar karte hain
Yehi barson se Aadat hai aur Aadat kab badalti hai

Tumhein jo yaad rakha hai Yahi apni Ibaadat hai
Ibadat jis tarah ki ho Ibadat kab Badalti hai

Kli ka Phool Banna aur Bikhar jana Moqaddar hai
Yahi Qanoon e Fitrat hai to Fitrat kab badalti hai

Jo Dil hi naqsh kar jaye nigahon mein simat aaye
Alamat hai yeh chahat ki to Chahat kab badalti hai

Bdal jate hain mosam, Phool mein Khushboo nahi rehti
Magar chahat ke Phool ki latafat kab badalti hai

Usay chaha Usay Pooja, Yahi toqeer hai apni
Hamein gumrah mat samjho, ibadat kab badalti hai

Purane Zakham ko Arshad bhula dena hi acha hai
Na chahe aap hi koi to Qismat kab badalti hai

****************************


Nahi milne ki koi rah piya
Hemein maar gayi teri chah piya

Hum khaak nashinon kay dam se
Aabad teri dargah piya

Yeh chokhat hai mere Murshid ki
Woh jati meri rah piya

Kuch kehna nahi mein ne lab se
Mere haal se tu Aagah pia

Teri rah to meri Manzil hai
Mujhe kon kare Gumrah pia

Jis baas se dunya ghafil hai
Tu us se bhi aagah piya

Sab simtein teri simtein hain
Har rah hai teri rah piya

Sab tere qurb kay mosam hain
Kia zahid, sawab gunah pia

Yeh kam ulma be haza hai
Arshad se aap niha pia

****************************


Zahir kisi surat bhi kahin naam na karna
Hain log buhat khas hamein aam na karna

Jane ki ijazat to diye dete hain lekin
Raste mein kahin aate huye sham na karna

Hum bhi na dikhayein gay sar e rah gareban
Tum bhi mere waadon ko sar e aam na karna

Is shart peh hai turk e talluq ki ijazat
Badnam zamane mein mera naam na karna

Badnam na karna hamein is shehar e wafa mein
Mashhoor kahin pyar ka paigham na karna

Yadon ka nasha hosh ura deta hai Arshad
Saqi se kaho samne ab jaam na karna

****************************
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved