World136 Logo  
Home>>Urdu Poetry>>Barsat Poetry in urdu, Barsaat Poetry Two Lines, Barsat Sad Poetry

Barsat Poetry in urdu, Barsaat Poetry Two Lines, Barsat Sad Poetry

barsat poem in hindi, barsat poem in urdu, barsaat poetry two lines, barsat sad poetry, barsat 2 line poetry, barsat ka mausam poetry, barsat ka mosam shayari in Urdu and Hindi

Aansoo mere tham jaayein to phir shoq se jana
Aise mein kahan jaao gay barsaat buhat hai

*************************

Tapak partay hain aansoo jab tumhari yaad aati hai
Yeh woh barsaat hai jis ka koi musam nahi hota

*************************

Apni har ik sham har ik raat bech kar
Ab aagia hai jina hamein zaat bech kar
Hum bhi hain kia ajab keh kari dhoop ke talay
Sehra khareed laaye hain barsaat bech kar

*************************

Thero yeh jhari ashkon ki tham jane do
Barsaat mein yeh azam safar khoob nahi hai

*************************

Bd nsibi ka mein qaayel to nahi hon lekin
Mein ne barsaat mein jalte huye ghar dekhe hain

*************************

Kabhi barsaat mein shadab belein sookh jati hain
Haray pedon ke girne ka koi mausam nahi hota

*************************

Maza barsaat ka chaho to in aankhon mein aa baitho
Siyahi hai, sufaidi hai, shafaq hai abro baran hai

*************************

Barsaat ke aatay hi bujha deti hon shamyein
Pani se bujhein gi to kayi din na jalein gi

*************************

Hamaray shehar aajao sada barsaat rehti hai
Kabhi badal barste hain kabhi aankhein barasti hain

*************************

Mandmil zakhmon peh guzare huye halat ke dukh
Aur is peh jahan bhar ke sawalaat ke dukh
Rut badalne peh bhi sab zawye waise hi rahe
Khushk sali ke jo gham the wahi barsaat ke dukh

*************************

Lagi rehti hai ashkon ki jhari garmi ho ya sardi
Nahi rukti kabhi barsaat jab se tum nahi aaye

*************************

Is ko hai barsaat ka mausam psand
Aaj barish ko barasna chahiye

*************************

Rehne do keh ab tum bhi mujhe parh na sako gay
Barsaat mein khaghaz ki tarah bheeg chuka hon

*************************

Wahshatein barh gayin mausam ki enayaat ke baad
Hum kabhi roye kabhi hans diye barsaat ke baad
Etni mazbooti se weerane ke dar band kiye
Dil mein utri na koi zaat teri zaat ke baad

*************************

Be sabab aankhon mein ab ashk umand aate hain
Hum ko be waqt ki barsaat se dar lgta hai

*************************

Teray wadon ne hamein ghar se nikalne na dia
Log mausam ka maza le gaye barsaton mein

*************************

Hum se mat poochna be laus muhabbat ke silay
Ashk beh jayein gay barsaat ke nalon ki tarah

*************************

Mujh peh cha jaye woh barsaat ki khushboo ki tarah
Ang ang apna isi rut mein mehkta dekhon

*************************

Shabnam ke aansoo phool par yeh to wahi qissah hua
Aankhein meri bheegi huyi chehra tera utra hua
Barsaat mein diwaron ki saari tehreerein mitin
Dhoya buhat mtta nahi tqdeer ka likha hua

*************************

Dukh dard ki soghat hai dunya teri kia hai
Aashkon bhari barsaat hai dunya teri kia hai
Kuch log yahan noor sehar dhoond rahe hain
Tareek si ik raat hai dunya teri kia hai

*************************

Sadaon ko alfaaaz milne na payein
Na badal ghirein gay na barsaat hogi
Musafir hain hum bhi musafir ho tu bhi
Kisi mor par phir mulaqaat hogi.
*************************

Dosti Poetry
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved