World136 Logo  
Home>>Urdu Poetry>>Faraz Sad Poetry, Faraz sad Shayari

Faraz Sad SMS, Poetry, Shayari, Nazam, Ghazal

Faraz Sad SMS, poetry, faraz shayari sad,faraz shayari, faraz sad poetry sms, sad poetry in urdu by faraz, ahmad faraz poetry, best urdu poetry


Na shab o roz hi badlay hein na Haal acha hai
Kis barhaman nay kaha tha keh yeh Saal acha hai

Hum keh donon kay giraftar rahay, jantay hain
Daam dunya say kahin zulf ka jal acha hai

Mein nay poocha tha keh aakhir yeh taghaful kab tak?
Muskuratay huye bolay keh Sawal acha hai

Dil na manay bhi to aisa hai keh gahe gahe
Yar e be Faiz say halka sa Malal acha hai

Lazzatein Qareeb o Juda ki hain apni apni
Mustaqil hijr hi acha na Wasal acha hai

Rehrowan e rah e ulfat ka moqaddar maaloom
In ka aaghaz hi acha na Maal acha hai

Dosti apni jagah, par yeh haqiqat hai Faraz
Teri ghazlon say kahin tera Ghazal acha hai.

********************

Qurbaton mein bhi judayi key zamane mange
Dil woh be mehar keh rone key bahane mange

Hum na hote to kisi aur key charche hote
Khalqat e shehar to kehne ko fasne mange

Yahi dil tha keh tarasta tha marasim key liye
Ab yahi tark e talluq key bahane mange

Mein woh mehroom keh jaise koi weerana ho
Tu woh khush faham, kharabon se khazane mange

Apna yeh haal keh ji har chuke lut bhi chuke
Aur muhabbat wahi andaz purane mange

Zindagi ! Hum tere daghon se rahe shar mindah
Aur tu hai keh sada aainah khane mange

Dil kisi haal peh qana hi nahi jan e Faraz
Mil gaye tum bhi to kia aur na jane mange

********************

Ab kay hum bichray to shayad kabhi khabon mein milein
Jis tarh sookhay huye phool kitabon mein milein

Dhoon ujray huye logon mein wafa kay moti
Yeh khazanay tujhay mumkin hai kharabon mein milein

Gham e dunya bhi gham yar mein shamil karlo
Nasha barhta hai sharabein jo sharabon mein milein

Tu khuda hai na mera ishq farishton jaisa
Donon insan hain to kiun itnay hijabon mein milein

Aaj hum dar peh kheinchay gaye jin baaton par
Kia ajab kal woh zamanay ko nasabon mein milein

Ab na woh mein na woh tu hai na woh mazi hai Faraz
Jaisay do shakhs tamnna kay sarabon mein milein.

********************

Ab kiun Roshni se darte ho Faraz
Tum to kehte the Mujhe Chand chahiye

********************

Ji to karta hai usay muft mein Jaan de don
Faraz itne Maasoom Kharidar se kia lena dena

********************

Barbad karne ke aur bhi Raste the Faraz
Na jane unhein Muhabbat ka hi Kheyal kiun aaya

********************

Hum chiraghon ko to tariki se larna hai Faraz
Gul hoye par subah ke aasar ban jayein gay hum

********************

Usay tarasha keh Hira bana dia hum ne Faraz
Magar ab yeh sochte hain Usay Kharidein kaise

********************

Poetry
Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved