World136 Logo  
Home>>Urdu Poetry>>Ibne e Insha Poetry

Ibne e Insha Poetry, Urdu Shairy, Ghazal, Nazam

Ibne e Insha is well known for his sufi poetry. He was born on 15th June, 1927. He was humorist, travelogue writer and poetry. He died January 11, 1978. ibne insha poetry, urdu shayari ibne insha, ibne insha shayari hindi, urdu poetry ibn e insha, ibn e insha poetry in urdu

Sab ko Dil kay Daagh Dikhaye, aik Tujhi ko Dikha na sakay
Tera Daman door nahi tha, Haath hamein pheila na sakay

Tu ay dost kahan lay aaya Chehra yeh Khursheed jamal
Sinay mein Aabad karein gay, Aanhon mein tu sama na sakay

Na tujh say kuch Hum ko nisbat, na Tujh ko kuch Hum say kaam
Hum ko yeh maaloom tha lekin Dil ko yeh samjha na sakay

Ab tujh say kis munh say keh dein saat samandar par na ja
Beech ki ik deewar bhi Hum to Phand na paye dha na sakay

Mun Papi ki Ujri kheti Sookhi ki Sukhi hi rahi
Umday badal, garjay badal, Boondein do Barsa na sakay

*****************************

Dil hijr kay dard say bochal hai, ab aan milo to behtar ho
Is baat say hum ko kia matlab, yeh kaisay ho yeh kiun kar ho

Ik bheek kay dono ka say hain, ik pyas kay donon pyasay hain
Hum kheti hain, tum Badal ho, hum Nadya hain, tum Sagar ho

Yeh Dil hai keh jaltay Sinay mein, ik Dard ka Phora allarh sa
Na gupt rahay na phoot bahe, koi mar hum ho koi nashtar ho

Hum sanjh samay ki chaya hain, Tum charhti Raat ki chandarma
Hum jatay hain tum aatay ho, Phir mel ki surat kiun kar ho

Ab husn ka rubah aali hai, ab Husn say sehra khali hai
Chal basti mein banjarah ban, Chal nagri mein soda gar ho

Ab insha ji ko bolana kia, ab Pyar kay Deep jalana kia
Jab dhoop aur Chaya aik say ho, jab din aur raat barabar ho

Woh ratein Chand kay sath gayein woh batein Chand kay sath gayein
Ab sukh kay Sapnay kia dekehin, Jab Dukh ka suraj sar par ho

*****************************

Kal chodhween ki raat thi, shab bhar raha Charcha tera
Kuch nay kaha yeh chand hai, kuch nay kaha Chehra tera

Hum bhi wahin mojood the, hum say bhi sab Poocha kiye
Hum hans diye, hum Chup rahay, Manzoor tha Parwa tera

Is shehar mein kis say milein? Hum say tu Chooteen Mehfilein
Har shakhs tera naam lay, har shakhs Deewana tera

Koochay ko teray chor kar, jogi hi ban jayein magar
Jangal teray, parbut teray, basti teri, sehara tera

Hum aur rasam bandgi? ashftagi? uftadgi?
Ahsaan hai kia tera, aye husn e be parwa tera

Do ashk janay kis liye, palkon peh aakar tak gaye
Altaf ki barish teri, Akram ka darya tera

Aye be dareegh o bay amaan, hum nay kabhi ki hai faghan?
Hum ko teri wehshat sahi, hum ko sahi soda tera

H um par yeh sakhti ki nazar? Hum hain faqeer e rehguzar
Ristah kabhi roka tera? Daman kabhi thama tera?

Han han teri surat Haseen, lekin tu to aisa bhi nahi
Is shakhs kay ashyar say, Shehrah hua kia kia tera

Be Dard sunni ho to chal, kehta hai kia achi Ghazal
Aashiq tera, Ruswa tera, Shayer tera, Insha tera

*****************************

Shab biti, chand bhi doob chala, zanjeer pari darwaze peh
Kiun der gaye ghar aaye ho? Sajni se karo gay bahana kia?
Jab shehar ke log na rasta dein, kiun ban mein na ja bisram karein?
Diwanon ki si na baat kare to aur kare diwana kya?

*****************************

Idhar hum se Mehfil mein nazrein larana
Udhar ghair ko Dekh kar Muskurana
Yeh Bhingi Nazar ka na ho Shakhsana
Kahin peh Nigahein kahin pe Nishana


*****************************

Tum rakh sakay na pas zara apne Qol ka
Is bar bhi badal gaye har baar ki tarah
Wada kia tha Raat ko aane ka par na aaye
Jhute ho tum bhi sham ke Akhbar ki tarah

*****************************

Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr
@Copy Rights 2011 world136.com All Rights Reserved