World136 Logo  
Home>>Urdu Poetry>>Sahir Ludhianvi

Sahir Ludhianvi Poetry, Shairy in Urdu, Ghazal, Nazam

Sahir ludhianvi poetry, sahir ludhianvi poems, sahir ludhianvi poetry in hindi, sahir ludhianvi ki shayari, sahir ludhianvi poems in hindi, sahir ludhianvi shayari in urdu, sahir ludhianvi shayari, sahir ludhianvi shayri, sahir ludhianvi ghazals

Bujha diye hain Khood apne hathon Muhabbaton ke Diye jala ke
Meri Wafa ne Ujar di hain Umeed ki Bastiyan Basa ke

Tujhe bhula dein gay apne Dil se, yeh Faislah to kia hai lekin
Na Dil ko Maloom hai na hum ko, Jiyein gay Kaise Tujhe Bhula ke

Kabhi milein gay jo Raste mein to Munh phira kar Palat parein gay
Kahin sunein gay jo Naam tera to Chup rahein gay Nazar jhuka kay

Na Sochne par bhi Sochta hon keh Zindagani mein kia rahe ga
Teri Tamanna Dafan kar ke tere Kheyalon se door jakay

****************************

Chalo ik baar phir se Ajnabi bun jayein Hum donon

Na mein Tum se koi Umeed rakhon Dilnawazi ki
Na tum meri Taraf Dekho Ghalt Andaz Nazron se
Na mere Dil ki Dharkan Larkharaye meri Hathon se
Na zahir ho Tumhari Kashmaksh ka Raaz Nazron se

Tumhein bhi koi Uuljhan reh gayi hai Pesh qadm se
Mujhe bhi Log kehte hain keh yeh Jalwe paraye hain
Mere humrah bhi Ruswaiyan hain mere Maazi ki
Tumhare sath Guzri huye Raaton ke saye hain

Tayaruf Rog bun jaye to is ka Bhoolna behtar
Talluq bojh bun jaye to is ko Torna acha
Woh Afsane jise Anjam tak lana na ho Mumkin
Use ik Khoobsurat mor de kar Chorna acha

Chalo ik bar phir se Ajnabi Bun Jayein Hum Donon

****************************

Tung aa Chukay hain Kashmakush Zindagi se hum
Thukra na dein Jahan ko kahin be Dili se hum
Mayoosi e Maal Muhabbat na Poochye
Apno se pesh aaye hain Begangi se hum
Lo aaj Hum ne tor dia Rishtah Umeed
Lo ab kabhi Gila na karein gay kisi se Hum
Ubhrein gay aik baar Abhi Dil ke Walwalay
Go dub gaye hain Baar e Ghum Zindagi se Hum
Gar zindagi mein mil gaye phir Ittefaaq se
Poochein gay apna Haal teri be Basi se Hum
Allah re Fareib Mashiyut keh aaj tak
Dunya ke Zulm sehte rahe Khamoshi ke sath

****************************

Sochta hon ke Muhabbat se Kirana karon
Dil ko Begana Targheeb e Tamanna kar lon

****************************

Zulm phir Zulm hai Barhta hai to Mit jata hai
Khoon phir Khoon hai Tapkay ga to Jum jaye ga

****************************

Kuch aur barh gaye jo Andhere to kia hua
Mayoos to nahi hain Tulu Seharr se hum
Mana keh is Zameen ko na Gulzar kar sakay
Kuch Khaar kum to kar gaye Guzre Jidher se Hum
Le de kay apne pas Faqut ik Nazar to hai
Kiun dekhein Zindagi ko kisi ki Nazar se Hum

****************************
Haye yeh Sham yeh Jharne yeh Shafaq ki lali
Mein in Aasoodah Fizayon mein Zara Jhoom na lon
Woh Dabay Payon Idhar kon Chali Jati hai
Barh ke us Shokh ke Tarshay huye Lub Choom na lon

****************************
Muhabbat tark ki mein ne Garebaan Si lia mein ne
Zamane ab to Khush ho, Zehar yeh bhi pi lia mein ne

Abhi Zindah hon lekin Sochta rehta hon Khilwat mein
Keh ab tak kis Tamanna ki Sahare ji lia mein ne

Unhein apna nahi skta Magar itna bhi kia kum hai
Keh kuch Muddat Haseen Khabon mein kho kar Ji lia mein ne

Bas ab to Daman e Dil chor do be kar Umeed
Buhat dukh seh liye mein ne Buhat DinJi lia mein ne

****************************

Lo apna jahan Dunya walo, Hum is Dunya ko Chor chale
Jo rishte nate jore the, woh Rishte nate tor chale
Kuch sukh ke sapne dekh chale kuch Dukh ke sapne Jheel chale
Tqdeer ki Andhi Gardish ne jo Khel Khelaye khel chale
Hur Cheez Tumhari lota di, Hum le ke nahi Kuch Sath chale
Phir dosh na dena aye Logo! Hum dekh do Khali hath chale
Yeh rah Akeli ktti hai, yahan sath na koi Yaar chale
Us par na jane kia payein, Is par to sab kuch har chale

****************************



Article
Beauty and Fashion
Biography
Bollywood
Celebrity
General Knowledge
Health Care
Horoscope
Hindi Songs
Islam
Jokes
Milli Naghmay
Poetry
Totkay
Recipes
counter for tumblr

@Copy Rights 2011 world136.com All Rights Reserved