Pakistani Urdu Poetry, SMS, Shayari, Ghazal, Nazam

Mein jitna bhi ise chahon Woh Mera Ho Nahi Sakta
Sitare tor kar laon Woh Mera Ho Nahi Sakta

Mein is ke pyar ki khatir bhare bazar mein aakar
Agar be daam bik jayon Woh Mera Ho Nahi Sakta

Hazaron doodh ki nehrein agar mein khod kar shartan
Mehal tak is ke le aaoyn Woh Mera Ho Nahi Sakta

Mein Ranjhe ki tarah bilkul badl kar bhes Jogi ka
Agar daman ko philaoon Woh Mera Ho Nahi Sakta

Agar nakam ulfat ki pareshani se ghabra kar
Kisi din zehar bhi khaon Woh Mera Ho Nahi Sakta

Kisi lohe ki Bhatti mein ishare par sitamgar ke
Badan bhi apna Pighlaon Woh Mera Ho Nahi Sakta

Khalish bekar si Zid par are rehna himaqat hai
Mein pagal Dil ko samjhaon Woh Mera Ho Nahi Sakta


****************************

Hijr ka tara Doop chala hai dhalne lagi hai Raat Wasi
Qatrah Qatrah baras rahi hai Aankhon ki Barsat Wasi

Tere baad yeh dunya wale mujh ko Pagal kar dein gay
Khushboyon ke des mein mujh ko le chal apne sath Wasi

Aaj to is ka cherah bhi badla badla sa lagta hai
Mosam badla Dunya badli badal gaye halat Wasi

Chor Wasi ab is ki yadein tujh ko Pagal kardein gi
Tu Qatrah hai woh darya hai dekh apni aoqaat Wasi


****************************

Gulshan se Baharon ka Pata Pooch Rahe Ho
Mojon se Kinaron ka Pata Pooch Rahe Ho

Kafi hai kiran aik hi is zulmat shab mein
Tum Chand Sitaroon ka Pata Pooch Rahe Ho

Hairat hai keh Darya mein to utrate bhi nahi
Pehle hi Sahron ka Pata Pooch Rahe Ho

Jo chaak qaba le ke soye dhasht chale hain
In dard ke maron ka Pata Pooch Rahe Ho

Hai shan wahi shan jo zindah ke dar se
Maqtal ke nazaron ka Pata Pooch Rahe Ho

***********************

Woh ik Roshan Sitarah hai Jo Kuch Kuch Chand Jaisa Hai
Wahi to ik harama hai Jo Kuch Kuch Chand Jaisa Hai

Wahi ik shaks aisa hai mujhe marne nahi deta
Mujhe is ne Sanwara hai Jo Kuch Kuch Chand Jaisa Hai

Jahan mein aise bhi manzar jo aankhein ko zaya bakhshein
Woh in mein ik nazarah hai , Jo Kuch Kuch Chand Jaisa Hai

Mein is darya mein utra hon jahan sahil nahi milta
Wahi apna kinara hai Jo Kuch Kuch Chand Jaisa Hai

Gulon ki is tamazat se mutasir ho buhat tum bhi
Yahi par tu tumhara hai Jo Kuch Kuch Chand Jaisa Hai

Abhi har so andhera hai buhat hi door hai Manzil
Ali ik hi sahara hai Jo Kuch Kuch Chand Jaisa Hai

***********************