Banana Pudding Recipe in Urdu- Hindi

Banana 3

Milk 1 kg

Accense hasbay zaiqa

Anday 3

Chini 1 pao

Method

Anday tor lijye. Sufaidi ko itna pheintein keh jhag aadh ghantay tak na baithein. Ab is mein chini dal dejye. Phir itana pheintein keh danah mar jaye aur sufaidi mein hal ho jaye.

Zardi alihda pheint lijye. Accense bhi daal dejye. Is kay baad zardi aur sufaidi mila kar khoob pheintay.

Doodh ko aik khulay munh kay patilay mein daal kar halki anch par paknay dejye. Jab woh aadh ser kay qareeb rah jaye to is mein banana kay gooday ko masal kar hal kar dejye.

Andon ka madah bhi is doodh mein mila dejye aur khoob pheintein. Jitna ziada pheinta jaye ga. Itni hi pudding lazeez ho gi.

Ab pudding kay bartan ya sanchay mein yeh sab kuch daal kar dhakna dhak dejye. Aik patili mein nisf(half) pani dalye. Is mein pudding kay sanchay ko rakh kar chulhay par charha dejye.

Bhari dhakan dhak dejye. Aanch halki rakhye. Aadh ghantay mein pudding jam jaye gi.