world136logo

Abbas Tabish Poetry- Shayari- Sad- Best- Love Poetry

abbas tabish poetry

Woh Bhoolta hai na Dil mein Utarta hai Mujhe
Hamesha Maar Muhabbat ki Marta hai Mujhe

Mein is ka Lamha Mojood hon Magar Woh Shakhs
Fazool Waqt Samjh ke Guzarta hai Mujhe

Bazahir aisa Nahi per(tree) is haweli ka
Hawa chale to Buhat Phool Marta hai Mujhe

Mein is ke Hath se jata hon Maal o Zar ki Tarah
Woh roz Qarz samajh kar Utarta hai Mujhe

*************************

Aye Dost dua aur Musafat ko Bahum rakh
Yeh Meri Hatheli hai yahan Pehla Qadam rakh

Aise to Zamana Mujhe Jine Nahi de ga
Mein kuch bhi nahi Tera Magar MeraBharm rakh

Is Baat peh Dunya se Meri Banti nahi hai
Kehti hai keh Talwar Utha aur Qalam rakh

Mein jub bhi Kahin Raah mein Girne laga Tabish
Aawaz si Aayi mere Qadmon peh Qadam rakh

*************************

Pani Aaankh mein Bhar kar Laya ja sakta hai
Ab bhi Jalta Shehar Bachaya ja skta hai

Aik Muhabbat aur Woh Bhi Nakam Muhabbat
Lekin is se Kaam Chalaya Ja skta hai

Dil par Pani Pine aati hain Umeedein
Is Chashme Mein Zehar Milaya Ja skta hai

Mujh Gumnam se Poochte hain Farhad o Majnu
Ishq mein ketna Naam Kamaya Ja skta hai

Yeh Mehtab yeh Raat ki peshani ka Ghao
Aisa Zakham to Dil par Khaya Ja skta hai

Phata Purana Khawab hai mera Phir Bhi Tabish
Is mein Apna Aap chupaya ja skta hai

*************************

 

Na Tujh se hai na Gilah Aasman se Hoga
Teri Judayi ka Jhagra Jahan se hoga

Tumhare Mere Talluq ka log Poochte hain
Keh jaise Faislah mere Biyan se hoga

Agar Yunhi Mujhe rakha gia Akele mein
Bar aamad aur Koi is Makan se hoga

Judayi tai thi Magar yeh Kabhi na socha tha
Keh to juda bhi Judaganah Shan se hoga

Guzar rahe hain mere din isi Tafakhir mein
Keh Agla Qes mere Khandan se Hoga

*************************

Meri Tunhayi Barhate hain Chale Jate hain
Hans Talab peh Aaate hain Chale Jate hain

Is liye ab mein Kisi ko Nahi Jane deta
Jo Mujhe Chor ke Jate hain Chale Jate hain

Meri Aankhon se Baha karti hai Un ki Khushboo
Raftgan Khawab mein Aate hain Chale Jate hain

Kub Tumhein Ishq peh Majboor kia hai Hum ne
Hum to bas Yaad Dilate hain Chale Jate hain

Aap ko kon Tamashayi Samjhta hai Yahan
Aap to Aag Lagate hain Chale Jate hain

Shadi Murg ka Mahol Bana Rehta hai
Aap Aate hain Tulate hain Chale Jate hain

*************************

Baton Baton mein Bicharne ka Ishara kar kay
Khood bhi woh Roya Buhat hum se Kinarah kar kay

Sochta rehta hon Tanhayi mein Anjam Khaloos
Phir usi Jurm e Muhabbat ko Dobarah kar ke

Jagmaga di hain Tere Shehar ki Galyan mein ne
Apne har Ashk ko Palkon peh Sitara kar ke

Dekh lete hain Chalo Hoslah apne Dil ka
Aur kuch roz Tere Sath Guzarah kar ke

********************************

Hansne nahi deta kabhi rone nahi deta
Yeh dil to koi kaam bhi hone nahi deta

Tum mang rahe ho mere dil se meri khuahish
Bacha to kabhi apne khelone nahi deta

Mmein aap uthata hon shab o roz ki zillat
Yeh bojh kisi aur ko dhone nahi deta

Wo kon hai is se to mein waqif bhi nahi hon
Jo mujh ko kisi aur ka hone nahi deta

*****************************

Tags: abbas tabish poetry, urdu love poetry of abbas tabish, abbas tabish shayari, abbas tabish ghazals, poetry of abbas tabish, abbas tabish best poetry, Searches related to abbas tabish poetry in urdu, abbas tabish poetry in urdu,abbas tabish poetry books,zubair ali tabish poetry,abbas tabish poetry in hindi,fakhar abbas tabish