world136logo

Chand Poetry- SMS-Urdu Shayari-Urdu Ghazals

chand poetry, urdu, shairy, english, sms poetry

Yeh to soncha bhi nahi tha keh woh mar jaye ga
Chand ik Qabar kay sine mein utar jaye ga

Yeh jo ik Khawab sa Palkon say bandha rakha hai
Aankh jhapko gay to Daman mein bikhar jaye ga

Hijr ki reeg rawan sath liye phirti hai
Is kharabe mein bhala Kon kidhar jaye ga

Husn aur Ishq kay mabain Thani hai ab kay
Is larayi mein kisi aik ka Sar jaye ga

Tu ne dekha hai kuch is tarah kay aye surat e mah
Hath Dil peh jo na rakha to thehar jaye ga

Dekhna aik na aik Din tere Khushboo ka jamal
Dard ki tarah rag e jan mein Utar jaye ga

Yeh meri umer ka sehra mere Dajlon ka sarab
Sar e mazgan na rahe ga to Kidhar jaye ga

****************************

Tum Subha ka Tara lagte ho
Ik noor ka Dhara lagte ho
Yeh Phool, Chiragh kahan tum se
Tum Chand Sitare lagte ho

****************************

Chak daman ko dekha to mila Eid ka Chand
Apni tasweer kahan bhool gia Eid ka Chand

In kay Abrooye khamidah ki tarah teekha hai
Apni Aankhon mein bari der chubha Eid ka Chand

Dor weeran baseray mein dia ho jaise
Gham ki deewar se dekha to laga Eid ka Chand

Lay kay halat ke sehrayon mein aajata hai
Aaj bhi khuld ki rangeen Fiza Eid ka Chand

Tulkhiyan bar gayein jab zeest ke paimane mein
Ghol ke dard ke maron ne piya Eid ka Chand

Chashm to was'yut e aflak mein khoyi Saaghar
Dil ne ik aur jagah dhoondh lia Eid ka Chand

****************************

Aye Chand
Jb wo teri trf Dekhein
To unhein kuch yaad Delana
Madhur se kuch geet Sunana
Aur kehna.........
Tumhein koi yaad Karta hai
Teri aarzu, teri Umeed karta hai
Koi aaj bhi
Tumhein Dekh kar Eid krta hai.

**********************************

Udhar se Chand tum dekho idhar se Chand hum dekhein
Nigahein yun Tkrayein keh do Dilon ki Eid ho jaye

***********************

Justaju khoye huon ki Umer bhr krte rahe
Chand ke hum rah hum har Shab Sfar kartay rahe

************************

Chandni gungunane lagi kis liye
Tare aangan mein aane lage kis liye
Kis liye rung menhdi ka khilne laga
Phool hum ko satane lage kis liye
Bas tumhare liye…… bas tumhare liye

****************************

Ik kaam karo chand par jao
chand say kuch mitti lay aao
Us mitti se do but banao
Aik tum jaisa aik hum jaisa
Phir un ko tor dalo phir se mitti gondh dalo
Aur phir se do but banao
Kuch tum mein hum rah jayein,
kuch hum mein tum rah jao

****************************

Mein hon tera kheyal hai aur Chand raat hai
Dil dard se nidhal hai aur Chand raat hai

Aankhon mein chub gayi teri Yadon ki kirchiyan
Kndhon pe ghum ki shal hai aur Chand raat hai

Dil tor kay khamoshi Nazaron ko kia mila ?
shabnum ka yeh sawal hai aur Chand raat hai

Phir titliyan si urne lagin Dsht Khwab mein
Phir khuahish wasal hai aur Chand raat hai

Kams ki nehar par hai tera Hath mere Hath mein
Mosam bhi lazawal hai aur Chand raat hai

Hr ek kali ne urh lia matmi Lebaas
Hr phool pr mlal hai aur Chand raat hai

Meri to por por mein Khushboo si bs gayi
Is par tera kheyal hai aur Chand raat hai

Chilka sa par raha hai wasi Wahshaton ka rung
Har cheez pe zawal hai aur Chand raat hai

************************

Aye Chand yah na Nikla kr
Be naam se spne Dekha kar

Yahan ulti Ganga behti hai
Is des mein Andhay hakim hain

Na drte hain na Nadim hain
Na logon ke vo Khadim hain

hai yahan pe Karobar buht
Is des mein Gurde bikte hain

Kuch log hain Aala shaan
Aur kuch ka Mqsad roti hai

vo kehte hain sb acha hai
mghrib ka raaj hi sacha hai

Yeh des hai andhay logon ka
Aye chand yahan na nikla kr

Tags: Urdu Poetry - Urdu Shairi - Funny Urdu Poetry - Romantic Urdu poetry- Urdu sad poetry- Urdu Sms Poetry Urdu Poem - Urdu Ghazals - Ghazal -Nazam- Urdu Shairy - Poetry In Urdu - Pakistani Urdu poetry, chand poetry 2 lines, chand poetry in hindi, chand raat poetry urdu, chand sms hindi, chand sms poetry, chand shayari romantic, chand shayari 2 line, chand sad poetry, sad chand shayari in hindi, chand poetry, eid chand poetry, chand poetry sms, mera chand poetry, chand poetry in english, poora chand poetry, chaudhvin ka chand poetry, chand romantic poetry, chand poetry rekhta, chand poetry in urdu, chand poetry in urdu sms, chand romantic poetry, mera chand poetry,