world136logo

Qateel Shifai Poetry, Shairy, Ghazal, Sad Poetry, SMS

qateel shifai poetry

Thi Zindagi ki yeh bhi Zaroorat Magar Qateel
Majbooryon ne Pyar ki Muhlat na di Hamein

*************************

Girte hain Samandar mein bare Shoq se Darya
Lekin kisi Darya mein Samandar nahi Girta

*************************

Tujh ko chulon to phir aye Jaan e Tamanna mujh ko
Der tak apne Badan se teri Khushboo aaye

*************************

Khak Muth'ti mein liye Qabar ki main Sochta hon
Hum jo Marte hain to Khawab Kidhar jate hain

*************************

Kuch to hon gi Muhabbat ki Majbooryan
Kon Sehta hai Warnah kisi ke Sitam

*************************

Woh teri bhi to pehli Muhabbat na thi Qateel
Phir kia hua agar Koi Har Jayi ban gia

*************************

Parindon ki Fitrat se aaye the woh mere Dil mein
Zara pankh nikal aaye, to Aashyana chor dia

*************************

Udas Zulmat ki raat mein jo Sihum Sihum kar Mar gia tha
Saba ki Pehli Kiran mein jane Kaisi Shiddat keh jal gia woh

*************************

Izhar hum Karein ya Ibteda Udhar se ho
Muddat Guzar gayi hai isi Soch Soch mein

*************************

Dunya mein Qateel is sa munafiq nahi koi
jo Zulm to Sehta hai Baghawat Nahi karta

*************************

Yeh mojzah bhi Muhabbat Kabhi Dekhaye Mujhe
Keh sung tujh peh Gire aur Zakham aaye Mujhe

*************************

Mein Ghar se teri Tamanna Pehan ke jab niklon
Barhanah Shehar mein koi Nazar na aaye Mujhe
Wahi to sub se Ziadah hai Nuktah cheen mera
Jo Muskura ke Hameshah Gale Lagaye Mujhe

*************************

Jina hai to Phir Jurrat e Izhar na Mango
Khul jaye ga is Tarah Nigahon ka Bharam bhi
Kanton se kabhi Phool ki Mehkar na mango
Us cheez ka kia Zikar jo Mumkin hi nahi hai
Sehra mein Kabhi Sayah e Diwar na mango

*************************

Aa jaye kisi Din Tu aisa bhi Nahi Lgta
Lekin woh tera Waada Jhuta bhi nahi Lagta

*************************

Bashar ke Roop mein ik Dilruba Tulsum bane
Shafaq mein Dhoop Milayein to us ka Jism bane
Woh Mojzaat ki had tak Puhach gia hai Qateel
Haroof koi bhi Likhon isi ka Isam bane
*************************

Apne Hathon ki Lakiron mein Basale mujh ko
Mein hon tera Naseeb apna Bana le mujh ko
Mujh se tu Poochne aaya hai Wafa ke maine
Yeh teri Sadah Dili maar na dale Mujh ko
Tune dekha nahi Aaine se Aagay kuch bhi
Khuda Parasti mein Kahin tu na Ganwa le Mujh ko
Khood ko mein Bant na Dalon kahin Daman Daman
Kar dia tu ne Agar mere Hawale Mujh ko
Wadah phir Wadah hai mein Zehar bhi Pi jaon Qateel
Shart yeh hai koi Bahon mein Sanbhale Mujh ko

*************************

Jub bhi Chahein ik nayi Surat Bana lete hain lo
Aik chehre par kayi Chehra Saja lete hain log
Mil bhi lete hain Gale se apne matlab ke liye
Aa pare Mushkil to Nazrein Chura lete hain log
Hai baja in ki Shikayut Lekin is ka kia Ilaj
Bijliyan Khood apne Gulshan par Gira lete hain log
Ho Khushi bhi in ko Hasil yeh Zaroori to nahi
Gham Chupane ke liye bhi Muskura lete hain log
Yeh bhi dekha hai keh jub aajaye Ghairut ka Moqaam
Apni sooli Apne Kandhe par Uthalete hain log

*************************

Pehle to apne Dil ki Raza Jaan jaiye
Phir jo Nigah e Yaar kahe Maan jaiye
Kuch keh Rahi Hain Aap ke Sine ki Dharkanein
Meri Sunein to Dil ka kaha Maan jaiye
Ik Dhoop si Jami hai Nigahon ke aas pas
Yeh aap hain to Aap peh Qurban jaiye
Shayad hazoor se koi Nisbat Hamein bhi ho
Aankhon mein Jahnk kar Hamein Pehchan jaiye

*************************

Mil kar Juda Huye to na Soya Karein gay hum
Ik Doosre ki Yaad mein Roya karein gay hum
Aansoo Chalak Chalak ke Satayein gay Raat bhar
Moti Palak Palak mein Piroya karein gay hum
Jub Dooryon ki Aag Dilon ko Jalaye gi
Jismon ko Chandni mein Bhigoa karein gay hum
Gar de gia Dagha Hamein Toofan bhi Qateel
Saahil peh Kishtiyon ko Dhuboya karein gay hum

*************************

 

Tags: qateel shifai sad poetry, qateel shifai 2 line poetry, qateel shifai new shayri, qateel shifai poetry sms, qateel shifai sher, qateel shifai shayari in hindi, qateel shifai shayri, qateel shifai sms, qateel shifai sad poetry in urdu, qateel shifai shayris, qateel shifai best shayari, qateel shifai poetry, qateel shifai ghazals, poems qateel shifai, poets qateel shifai, qateel shifai poetry in hindi, qateel shifai poetry images, qateel shifai new shayri, qateel shifai shayari in hindi, qateel shifai songs, qateel shifai best poetry, qateel shifai ghazals lyrics, love shayari qateel shifai