world136logo

Sakoon Poetry, Skoon Poetry, Sukoon Shayari, Urdu, Hindi

Tere jaisa mera bhi Haal tha na Sakoon tha na Qarar tha
Yahi umer thi mere hum nasheen keh kisi se mujh ko bhi Pyar tha

Mein samajh raha hon teri kasak tera mera dard hai mushtarak
Isi gham ka tu bhi aseer hai isi dukh ka mein bhi Shikar tha

Faqat aik dhun thi keh Raat Din isi "khawab zaad" mein gum rahein
Woh Sarwar aisa Sarwar tha, woh Khumar aisa Khumar tha

Kabhi lamha bhar ki bhi Guftagoo meri is ke sath na ho saki
Mujhe fursatein nahi mil sakein woh hawa ke rut peh sawar tha

Hum ajeeb tarz ke log the keh hamare aur bhi rog the
Mein khazan mein is ka tha muntazar ise "Intezar Bahar" tha

Isse parh keh tum na samajh sake keh meri kitab ke roop mein
Koi qarz tha kayi saal ka kayi rutjagon ka udhar th

********************

Apna ise banana gar mere bas mein hota
Lot aata lot aana mere bas mein hota

Aankhon mein in ki jata surat badal badal kar
Khawabon mein aana jana gar mere bas mein hota

Chehere ko Muskurahat se mein sajaye rakhta
Aye Yaar! Muskurana gar mere bas mein hota

Dunya se khatam kar ke rakh deta runj o gham ko
Bazm tarb sajana gar mere bas mein hota

Qadmon mein in ke la kar tare bikher deta
Taron ko tor lana gar mere bas mein hota

Lata na naam bhi mein is be wafa ka lab par
Shehzad ko bhulana gar mere bas mein hota

********************

Kabhi yaad aayein to poochna zara apni khilwat sham se
Kise ishq tha teri zaat se kise pyar tha tere naam se

Zara yaad kar ke woh kon tha jo kabhi tujhe bhi azeez tha
Woh jo ji utha tere naam se woh jo mar mita tere naam se

Hamein be rukhi ka nahi gila keh yahi wafaon ka hai silah
Magar aisa jurm tha kon sa gaye hum dua o salam se

Na kabhi wasl ki chah ki na kabhi faraq mein aah ki
Keh mera tarika bandagi hai juda tarika aam se

*******************

Mere muntazir
Tu hai muztrab
Tu hai muzmahil

Na ho badguman na kheyal ker
Sabhi waswason ka nikal kar
To yaqeen kar meri baat ka

Mere motbar
Mere mohtaram

Mein juda nahi mein hon tujh mein zam
Mein guman nahi mein yaqeen hon
Teri dharkano ki makeen hon
Teri rahaton ki ameen hon

Mere hum nafas
Mere charah gar
Na ho muztarab
Na ho muzmahil

Tu yaqeen rakh
Tu yaqeen rakh

********************

Tags: sakoon poetry, sakoon poetry in english, sad poetry, sakoon in english, sukoon milta hai shayari, skoon poetry, sukoon pic, urdu poetry, sukoon kya hai, sakoon poetry in urdu, sakoon poetry in english, urdu poetry on eyes, urdu poetry website, best urdu poems, skoon poetry, urdu shaire, sukoon e dil poetry in urdu, sakoon poetry in hindi, sukoon shayari, sukoon shayari images, urdu shayari, sukoon milta hai shayari, sukoon e zindagi shayari, poetry shayari, sukun ki talash, sukoon ghazal, sukoon sms in hindi,